Ult óneriniń merekesi

Seksen jylda konservatorııa elimizdiń álemge tanytqan mýzykanttardyń birneshe býynyn tárbıelep shyǵarǵan ordaǵa aınaldy. Qara shańyraq túlekteriniń arasynda Bıbigúl Tólegenova, Álibek Dinishev, Iýrıı Klýshkın, Alan Bóribaev, Baıǵalı Serkebaev, Medet Shotabaev sııaqty Qazaqstannyń halyq ártisteri, Eńbek sińirgen qaıratkerleri men daryndy mýzykanttar bar.

Konservatorııa 25 qarasha men 2 jeltoqsan aralyǵynda ótetin mereıtoılyq marafonǵa barsha kórermenin shaqyrady. Kún saıyn otandyq mýzy­kanyń baı tarıhy, zamanaýı jetistikteri kórsetiledi. Baǵ­darlamada halyqaralyq kon­ferensııa, kórmeler jáne basqa da kóptegen is-sharalar josparlanǵan.

Elimizdiń jetekshi mýzykanttary tájirıbesin bólisý úshin sheberlik sabaqtary men kezdesýler ótkizedi. Olardyń qatarynda Qazaqstannyń halyq ártisi Aıman Musaqojaeva, Reseı skrıpkashysy Nazar Ko­jýhar, daryndy dırıjerlar Alan Bóribaev pen Abzal Mýhıtdınov, Qazaqstannyń Eńbek sińirgen qaıratkeri Nur­lan Izmaılov, taǵy bas­qalary bar.

Mereıtoılyq marafon 3 jeltoqsan kúni Respýblıka sa­raıynda ótetin gala-konsert­pen qorytyndylanady. Eli­mizdiń eń bedeldi sahnasynda kon­servatorııanyń shy­ǵar­ma­shylyq ujymdary – orkestrler, ansamblder, hor jáne solıs­ter, sondaı-aq qonaq retinde sha­qyrtylǵan ártister jınalady. Bul kesh urpaqtar arasyndaǵy baı­lanys­ty, mýzykalyq dás­túr­lerdiń baı­lyǵy men otandyq ónerdiń zamanaýı úlgisin kór­se­tetin mereıtoıdyń qory­tyn­dysy bolmaq.