Shyǵys pen Batys mádenıetin toǵystyrady

Kınofestıvaldyń bas­ta­lýy aldynda arnaıy baspa­sóz máslıhatyn ót­kiz­­gen uıym­das­tyrýshylar halyq­aralyq is-sharanyń negizgi baǵyt­ta­rymen tanystyryp, baıqaý jáne baıqaýdan tys baǵdarlamalardy jarııalady. Sonymen qatar qazy­lar alqasy tanystyrylyp, aldaǵy kór­setilimder týraly jan-jaqty máli­met berdi.

Báıgege qatysatyn fılmderdi irikteý kezinde fılmge qoıyl­ǵan negizgi talaptardyń biri – shyǵar­mashylyq ónimniń Eýrazııa keńis­ti­ginen bolýy jáne onyń kórkemdik sapasy basty shart retinde qaras­ty­rylady. Ońtústik Afrıka, ońtústik jáne soltústik Amerıkadan jol­danǵan fılmder irikteýge múlde qatysa almaıdy. Festıval dırektory, «Qazaqfılmniń» prezıdenti min­detin atqarýshy Aıdar Oma­rov­­­tyń aıtýynsha, XVII «Eýra­zııa» kıno­­fes­tıvaline ázirlik jumysy jyl­dyń ba­synan beri júrip keledi. Qazy­lar alqasynyń 70%-yn shetelden sha­qy­­rylǵan meı­mandar quraıdy, olar­­­­dyń jumys kestesine oraılas­ty­ra keli­­simge kelý uıymdastyrý alqa­­syna ońaıǵa soqpaǵan. Bıyl­ǵy qazy­­lar alqasyna Kann fes­tı­valiniń «Al­tyn palma buta­ǵynyń» ıegeri, Túr­­­kııa­­­nyń bedeldi rejısserleriniń biri Nýrı Bılge Jeılan tórelik etedi.

О́tken jyldarmen salys­tyr­ǵanda, bıylǵy XVII festıvalǵa sha­qy­rylǵan álemdik kıno jul­dyz­dar qarasy az. «Eýrazııa» kınofestı­vali Shyǵys pen Batys mádenıetin toǵystyryp, eki alyp keńistiktiń kınosyn jaqyn­dastyrý maqsatyn alǵa qoıǵan soń, bir kúnge kelip-ketken qalam­aqysyna aqylǵa qo­nym­syz qarjy suraıtyn ataq­ty­lardy emes, otandyq kıno salasyn damytýǵa tikeleı yqpaly bar paı­daly mamandar men iskerlik alań­da­ryn qolaıly sanap, osy oıdy júzege asyrýǵa basym­dyq bergen.

– Kınofestıval aýqymdy eki seksııaǵa bólingen, onyń biri – 12 fılmdi qamtyǵan halyqaralyq konkýrs, ekinshisi – 9 fılm usynylatyn Orta Azııa jáne Túrki álemi seksııasy. Jalpy alǵanda, festıvalǵa 15 eldiń kınematografısteri qatysady. Olar: Bangladesh, Ońtústik Koreıa, Aýs­trııa, Qatar jáne Eýropa, Azııa men Taıaý Shyǵys elderiniń bir­qatar memleketteri. Konkýrsqa arnal­ǵan fılmderdiń kórsetilimi 25–29 qarasha aralyǵynda «Esen­taı» kıno­parkiniń aýmaǵynda ótedi. Sondaı-aq osy kúnder ara­ly­ǵynda T.Júrgenov atyn­daǵy Qazaq ulttyq óner akademııasynda isker­lik alańdar jumys isteıdi. Fes­tı­val aıasynda konkýrs­tan tys kór­se­tilimder, iskerlik alańdary, shyǵarmashylyq kezdesýler ótedi.

NETPAC múshesi, XVII ha­lyq­aralyq «Eýrazııa» kıno­fes­tı­vali­niń baǵdarlama dırektory Dıana Áshi­mova: «Jasandy ıntellektpen jumys isteý biz ómir súrip otyrǵan kezeńniń eń belsendi jańalyǵy bolyp otyr. «Kınematografııadaǵy jasandy ıntellekt jáne kreatıvti kózqaras» de­gen másele ózekti mánge ıe, ja­qyn kúnderi Qazaqstannyń neı­ro­júıesi maman­darymen birge she­tel­diń tájirıbeli mamandaryn shaqy­ryp, dóńgelek ústel basynda birge talqylaýdy dit­tep otyrmyz. Sebe­bi kınonyń bola­shaǵy ja­san­­dy ıntellektpen tikeleı baı­­­la­nysty. Bul másele qazir álem kıne­­­­ma­­tografısteriniń de eń kóp tal­­­qy­­­laı­tyn taqyrybyna aınaldy» deıdi.

Aıdar Omarov XVII halyq­aralyq «Eý­razııa» kınofes­tıva­liniń bıýdjet qarjysyna arqa súıe­meı, «Bazis-A» halyq­­aralyq qurylys kompanııasy, «KAZ Minerals» ken óndirý kompanııa­sy, «Sarens Kazakhstan» JShS, «Salem Entertainment» medıakompanııasy, «Kinopark Theatres» kıno­teatrlar jelisi, «Eurasian Resources Group» (ERG) jáne «Astana Motors» sekildi otandyq naryq alańyndaǵy iri kompanııalardyń demeýshiligimen ótetinin aıyryqsha atap ótti.

PhD jáne AlmaU qaýym­das­ty­rylǵan professory Aıbarsha Bójeeva jetekshilik etetin fes­tı­valdyń irikteý komıssııasy qu­ra­­­myna fransýz jýrnalısi, kı­no­synshysy Barbara Loreı de Lashare jáne Qazaq­stan rejısseri Azat Hakımov endi. Olar álemniń túk­­­pir-túkpirinen kelgen 60 fılm­di su­ryp­tady.

ALMATY