Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy Memlekettik syılyǵyn berý jónindegi komıssııadan

Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy Memlekettik syılyǵyn berý jónindegi komıssııadan

Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy Memlekettik syılyǵyn berý jónindegi komıssııa 2015 jylǵy Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy Memlekettik syılyǵyn alýǵa jumystardy qabyldaýdy bastaǵany týraly habarlaıdy. Qazaqstan Respýblıkasynyń ál-Farabı atyn­daǵy ǵylym men tehnıka salasyndaǵy Memlekettik syılyqtaryn alýǵa arnalǵan jumystardy usyný, resimdeý jáne berý ádistemesi tómende jarııa­lanǵan jáne Qazaqstan Respýblıkasy Bilim jáne ǵylym mınıstrliginiń www.edu.gov.kz, Qazaqstan Respýblıkasy Bilim jáne ǵylym mınıstrliginiń Ǵylym komıtetiniń www.scedu.kz saıttarynda ornalasqan. Qoıylǵan talaptarǵa sáıkes rásimdelgen qujattar men materıaldar avtorlardyń ózderinen nemese senim bildirgen tulǵalarynan Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy Memlekettik syılyǵyn berý jónindegi komıssııasynda 2015 jylǵy 1 naýryzǵa deıin mynadaı mekenjaı boıynsha qabyldanady: Astana qalasy, Mınıstrlikter úıi, 11-kireberis, 1045-bólme, jabyq taqyryptar boıynsha 924-bólmede. Ańyqtama telefony: 8(7172) 74-24-68. Qazaqstan Respýblıkasy Bilim jáne ǵylym mınıstriniń 2015 jylǵy 28 qańtardaǵy № 38 buıryǵyna 1-qosymsha Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy Memlekettik syılyqtaryn alýǵa arnalǵan jumystardy usyný, resimdeý jáne berý ÁDISTEMESI Osy Ádisteme «Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy jáne ádebıet pen óner salasyndaǵy Memlekettik syılyqtary týraly» Qazaqstan Respýblıkasy Prezıdentiniń 2015 jylǵy 21 qańtardaǵy № 993 Jarlyǵymen bekitilgen Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy Memlekettik syılyqtaryn alýǵa arnalǵan jumystardy usynýǵa, resimdeýge jáne berýge qoıylatyn talaptardy belgileıdi. 1. Jumystardy usyný 1. Jumystardy Memlekettik syılyq alýǵa usy­nýdy memlekettik organdardyń alqalary, ǵylymı, oqý uıymdarynyń ǵylymı, ǵylymı-tehnıkalyq, ǵalymdar keńesteri men basqa da alqaly organdary, shyǵarmashylyq odaqtar men ujymdar júrgizedi. Jumysty birneshe uıymdar birlesip usynýy múmkin, bul rette jalpy kelisim boıynsha olardyń bireýi basty usynatyn uıym bolyp anyqtalady. 2. Izdenýshiler ujymyna jumysty oryndaý prosesinde tek ákimshilik, konsýltatıvtik nemese uıymdastyrý fýnksııalaryn júzege asyrǵan tulǵalardy engizýge jol berilmeıdi. 3. Memlekettik syılyqty alýǵa arnalǵan ju­mystardy usyný aqparattyq ashyqtyq qaǵıdat­tary negizinde júrgizilýi tıis. Jumystardy talqylaýda Memlekettik syı­lyqty alýǵa usynylǵan zertteýler men ázirle­melerdiń nátıjesin qoldanatyn uıymdar (kásip­oryndar) ókilderiniń qatysýy mindetti bolyp tabylady. 4. Jumysty oryndaýshylardyń jalpy sanynan avtorlyq ujymǵa (avtorlar) kandıdattardy usyný olardyń árqaısysynyń shyǵarmashylyq úlesine baǵa berý arqyly júrgiziledi. Avtorlyq ujymnyń árbir múshesiniń kandıdatýrasy onyń negizgi qyzmet orny boıynsha talqylanýy tıis. Memlekettik syılyqty alýǵa arnalǵan jumys pen avtorlyq ujymdy (avtorlar) usyný týraly sheshim jasyryn daýys berý arqyly kásiporynnyń, ǵalymdar, ǵylymı nemese ǵylymı-tehnıkalyq keńestiń, oqý ornynyń nemese uıymnyń (kásiporynnyń) alqalyq organynyń otyrysynda qabyldanady. 2. Jumystardy resimdeýdiń jáne usynýdyń tártibi 5. Jumys túptelgen bir tom túrinde, memlekettik jáne orys tilderinde 3 danada usynylady. Oǵan bir pa­raqta (6 dana) qysqasha annotasııa qosa tirkeledi. Mátin A4 (297x210) formatynda paraqtyń bir betine basylady, tomdardyń muqabasynda jumystyń ataýy, avtorlardyń tegi, aty-jóni kórsetiledi. 6. Annotasııa bir paraqta resimdeledi jáne mynalardy qamtýy tıis: bettiń bir jaǵynda: jumystyń ataýy; usynyp otyrǵan uıymnyń tolyq ataýy; avtorlardyń tegi, aty, ákesiniń aty, jumys oryndary, laýazymdary, ǵylymı dárejeleri men ataqtary; bettiń ekinshi jaǵynda: jumystyń qysqasha mazmuny (mátini 1500 tańbaǵa deıin), onyń negizgi ǵylymı-tehnıkalyq ıdeıasy, óndiriske engizýdiń nátıjesi men ony iske asyrýdyń ekonomıkalyq jáne (nemese) áleýmettik mańyzy; jetekshiniń nemese jumys avtorlarynyń biriniń qoly. 7. Birinshi tom jumystyń tehnıkalyq sıpattamasyn qamtıdy. Sıpattama mátindik qujattarǵa qoıylatyn standarttyq talaptarǵa sáıkes resim­deledi. Sıpattaý mátininiń kólemi 100 paraqtan aspaýy tıis. Bezendirý (ıllıýstrasııa) mátin boıyn­sha ornalastyrylýy nemese jeke usynylýy múmkin. 1) Jumys sıpattamasynyń muqaba betinde ju­mysty usynýshy uıymnyń ataýy, jumystyń ataýy, izdenýshiniń tegi, aty-jóni uıymdar boıyn­sha álipbı retimen jazylyp, olardyń qoldary qoıylady. Jumystyń jetekshisi tıisti belgimen (jetekshi) tizimde birinshi kórsetiledi. Muqaba beti memlekettik jáne orys tilderinde jazylady. 2) Sıpattama basynda mańyzdy jáne jańa nátı­jeleri bar irgeli zertteýler, jańa tehnologııalar jáne tehnıkalar, qoldanbaly jumystar (kólemi 10 paraqtan kem emes) qaıda jáne qandaı masshtabta jumys iske asyrylǵany, ony Qazaqstannyń damýynda qoldanǵan jaǵdaıda kandaı tehnıkalyq-ekonomıkalyq nátıjeler bolatyny kórsetilgen annotasııa keltiriledi. Jumystyń sıpattamasynda onyń mazmuny, uqsas álemdik úzdik eńbektermen salystyrmaly naqty sıpattamasy, engizý jaǵdaıy (ekono­mıkalyq nemese áleýmettik áseri) baıandalady, osy nátıjelerdi paıdalanýdyń bolashaǵy aıqyndalady, jumystyń ǵylymı-tehnıkalyq jáne tehnıkalyq-ekonomıkalyq kórsetkishteri keltiriledi. Jańa tehnologııalardyń, tehnıkanyń, kuraldar men materıaldardyń, zattardyń, paıdalaný jaǵdaılarynyń negizgi sıpattamasy keltirilip, ázirlemelerdiń patenttik-lısenzııalyq qundylyǵy kórsetiledi. Sıpattamanyń sońynda avtorlardyń jumys taqyryby boıynsha eńbekteriniń, jańalyqtary men ónertabystarynyń, patentterdiń, avtorlyq kýálikterdiń, synaq aktileriniń, óndiriske engizý aktileriniń tizimi, mekemeler men kásiporyndardyń syn-pikirleri, sarapshylardyń qorytyndylary keltiriledi. Sonymen birge, avtordyń ǵylymı jarııalanymdary men patentteriniń tolyq tizbesi, sondaı-aq sıtata alý ındeksi jáne halyqaralyq reıtıngilik basylymdardaǵy jarııalanymdary týraly málimetter usynylady. 8. Ekinshi tomda (qujatty usyný) mynalar qamtylady: 1) Árbir izdenýshiniń tegin, atyn, ákesiniń atyn, ǵylymı dárejesin, jumys ornyn, laýazymyn, vedomstvosyn, tyrnaqshada onyń mazmunyn naqty kórsetetin jumysynyń ataýyn kórsete otyryp, usynýshy bas uıymnyń blankisindegi usynys-hat. Odan ári hatta mynalar kórsetiledi: jumystyń qysqasha mazmuny, ony usynýdyń negizdemesi, jumysty jalpy baǵalaý, onyń bas­talý jáne aıaqtalý merzimi jáne nátıjelerdi praktıkalyq iske asyrý kezeńi, iske asyrylý aýqymy, ǵylymı-tehnıkalyq jáne tehnıkalyq-ekonomıkalyq kórsetkishteri, odan alynǵan ekonomıkalyq jáne áleýmettik áser. Usynys-hatqa usynýshy uıymnyń basshysy qolyn qoıyp, eltańbaly mórimen rastaıdy. Eger jumysty birneshe uıym usynatyn bolsa, onda hatqa árbir uıymnyń basshysy qol qoıady. Barlyq jaǵdaıda basshylardyń qoldary eltańbaly mórmen bekitiledi. Avtorlardy usynys-hatta tizbektep jazý uıym­dar boıynsha alfavıt retimen júzege asyrylady. Eger jumystyń jetekshisi belgilense, ol «jetekshi» belgisi qoıylyp, tizimde birinshi bolyp kórsetiledi. Eger qaıtys bolǵan avtor syılyqqa usynylsa, onyń sońǵy laýazymy men jumys orny kórsetiledi. Sonymen qatar, konkýrsqa usynylǵan jumys buryn respýblıkalyq bıýdjet qarajatynan tóle­netin syılyqqa laıyq bolmaǵany týraly málimetti kórsetý qajet. 2) Ashyq baspasózde jumystyń ataýy men maz­munyn, avtorlardyń tegin, laýazymdaryn, ju­mys ornyn jarııalaý ruqsaty týraly hat (usyný­shy uıymnyń blankisine jazylyp, basshynyń qoly qoıylady). 3) Jumystyń tolyq ataýyn, barlyq avtorlar ujymynyń quramyn (árbir avtordyń tegi, aty-jóni, onyń laýazymy, jumys orny) kórsete otyryp, keńestiń tóraǵasy men hatshysy qol qoıyp, uıymnyń mórimen rastalǵan tóralqa, alqa, ǵa­lymdar, ǵylymı nemese ǵylymı-tehnıkalyq keńes, kásiporyn, uıym keńesi, eńbek ujymy otyrys­tarynyń jumysty syılyqqa usyný týraly hattamasynan (hattamalarynan) úzindi (úzindiler). 4) Esep komıssııasynyń tóraǵasy men hatshysy qol qoıyp, uıymnyń mórimen rastalǵan keńes músheleriniń sanyn, daýys berýge qatysqandardyń sanyn jáne jasyryn daýys berý nátıjelerin kórsete otyryp, esep komıssııasynyń hattamasy (hattamalary). Avtorlyq ujymnyń quramyna jumysty usynyp otyrǵan uıymnyń qyzmetkeri bolyp tabylmaıtyn adamdar kirgen jaǵdaıda, keńester men esep komıssııalary otyrystarynyń olardyń negizgi jumys oryndary boıynsha hattamalarynan sol adamdardy avtorlyq ujym quramyna engizý jónindegi usynymdamalarǵa qatysty úzindileri resimdeledi. 5) Shyǵarmashylyq úlesi týraly anyqtama árbir izdenýshige onyń tegi, aty, ákesiniń aty, jumysty oryndaǵan kezdegi atqarǵan laýazymy, sondaı-aq onyń jumysqa qosqan naqty shyǵarmashylyq úlesiniń sıpattamasy jáne ony avtorlyq ujymnyń quramyna engizý negizdemesi kórsetile otyryp jeke usynylady. Anyqtamaǵa avtordyń Memlekettik syılyqty alýǵa usynǵan jumysty oryndaý kezindegi jumys orny boıynsha uıymnyń basshysy, sondaı-aq usynýshy bas uıymnyń basshysy qol qoıady jáne olardyń mórlerimen rastalady. Eger usynylǵan jumysty bir avtor oryndaǵan bolsa, qosqan úlesi týraly anyqtamany usyný talap etilmeıdi. 6) Usynylǵan jumystyń izdenýshileri týraly málimetter izdenýshiniń negizgi jumys orny boıyn­sha uıym blankisinde usynylady. Málimetter qatań túrde tólqujat (kýálik) boıynsha mynadaı túrde memlekettik jáne orys tilderinde resimdeledi: tegi, aty; ákesiniń aty, týǵan jyly, tólqujat derekteri; mamandyǵy; qurmetti ataǵy (eger izdenýshi laýreat bolsa, mindetti túrde qandaı syılyq, qaı jyly alǵany kórsetiledi); marapatalǵan kúnin, ne úshin alǵanyn kórsete otyryp, sońǵy bes jylda alǵan memlekettik nagradalary; ǵylymı dárejesi jáne ǵylymı ataǵy; vedomstvolyq baǵynystylyǵy kórsetilgen jumys orny; atqaratyn laýazymy; mekenjaıy jáne telefony (qyzmettik jáne úı); málimetterge izdenýshi qol qoıady, ony kadr­lar bóliminiń qyzmetkeri rastap, mórin basyp, toltyrylǵan kúnin kórsetedi; zeınetkerler úshin málimetter izdenýshi sońǵy jumys istegen uıymda (uıym blankisinde) daıyn­dalady; eger avtor qaıtys bolǵan soń usynylatyn bolsa, málimetterde onyń qaıtys bolǵan kúni, sondaı-aq murageriniń tegi, aty, ákesiniń aty, úıiniń mekenjaıy, telefony kórsetiledi. Eger qandaı da bir avtordy usynǵannan keıin ol týraly málimetterde ózgerister bolsa, onda anyqtalǵan derekter kórsetilgen nysanda qosymsha habarlanady. Jumystyń ataýy, avtorlardyń laýazymdary men jumys oryndary qujattardyń barlyǵynda birdeı jazylýy tıis. Uıymdardyń ataýlaryn qysqartýǵa jol berilmeıdi, abbrevıatýralar qujatta olardyń ashylyp jazylý tizimi bolǵanda ǵana paıdalanylady. 9. Usynýǵa jarııalanǵan ǵylymı jumystar (kitaptar, monografııalar, broshıýra baspa maqa­lalary – 5-ten artyq emes); konstrýktorlyq, tehnı­kalyq ázirlemelerdiń, tehnologııalyq prosesterdiń jáne basqa da ınnovasııalyq jetistikterdiń avtor­lyǵyn dáleldeıtin, olardy jasaǵany úshin avtory (avtorlar ujymy) Memlekettik syılyq­qa usynylyp otyrǵan qujattar (patentter kóshir­meleri, avtorlyq kýálikter, synaq aktileri, óndiris­ke engizý aktileri) qosa tirkeledi. 3. Málimetteri jarııalaýǵa jatpaıtyn jumystar boıynsha qujattar men materıaldardy resimdeý jáne usyný 10. Málimetteri jarııalaýǵa jatpaıtyn ju­mystar boıynsha barlyq qujattar men materıaldar úsh danada usynylady jáne Qazaqstan Respýblıkasyndaǵy qupııalyq rejimdi qamtamasyz etý jónindegi nusqaýlyqqa sáıkes Qazaqstan Respýb­lıkasy Bilim jáne ǵylym mınıstrliginiń Mem­lekettik qupııalardy qorǵaý basqarmasyna jiberiledi. «Qyzmet babynda paıdalaný úshin» (QBPÚ) degen belgisi bar jumystar tolyq danada usynylady, tıisti belgide negizdeme beriledi. 4. Qujattardy qabyldaý 11. Kórsetilgen talaptarǵa sáıkes resim­delgen barlyq qujattar men materıaldar Qazaqstan Respýblıkasy Bilim jáne ǵylym mınıs­trliginde tikeleı avtordan nemese onyń senimdi adamynan myna mekenjaıy boıynsha qabyldanady: Astana qalasy, Mınıstrlikter úıi, 11-kireberis, 1045-bólme, jabyq taqyryp boıynsha 924-bólme. Anyqtama telefondary: 8(7172)742029, 742468. 12. Kórsetilgen talaptar buzylyp resimdelgen qujattar qabyldanbaıdy.