Halyqaralyq áskerı sport keńesi (CISM) uıymdastyrǵan birinshilik Karen Demırchıan atyndaǵy sporttyq-konserttik keshende ótti. Oǵan álemniń 24 elinen 400 sportshy qatysty. Qazaqstan quramasy atynan erkin jáne grek-rım kúresi boıynsha 17 balýan myqtylyǵyn synǵa saldy.
Buǵan deıinde qazaqstandyq quramanyń Erevandaǵy saıystaryn málimdegen bolatynbyz. Erkin kúresten eń joǵary chempıondyq marapatty efreıtor Meıirjan Áshirov (70 keli) jeńip aldy. Qola medaldardy grek-rım kúresinen kishi serjant Aıdos Sultanǵalı – 60 keli salmaqta jáne QR Qarýly kúshteriniń qyzmetkeri Svetlana Ankıcheva – áıelder kúresinen (50 keli) enshiledi.
Kelesi kúnderi el qorjyny taǵy eki altynmen jáne qola medaldarmen tolyqty.
QR Qarýly kúshteriniń qyzmetkeri Kamıl Kýrýglıev 97 keli salmaq dárejesinde Úndistan men Mońǵolııadan kelgen sportshylardy jeńdi. Sheshýshi beldesýde ol Irannan kelgen qarsylasynan basym tústi.
Grek-rım kúresinen efreıtor Álimhan Syzdyqov ırandyq balýanmen sońǵy beldesýde óziniń artyqshylyǵyn dáleldep, álem chempıony atandy.
Qazaqstan Qorǵanys mınıstrligi Armııa ortalyq sport klýby quramasynyń 86 keli salmaǵynda erkin kúresten synǵa túsken Rústem Myrzaǵalıev pen áıelder kúresinen (55 keli) Marına Sednıaıa Qazaqstan quramasynyń qorjynyn qola júldelermen tolyqtyra tústi.
