foto Senattyń baspasóz qyzmeti
Kezdesýde taraptar rýhanı dıplomatııanyń qazirgi syn-qaterlerdi eńserýdegi rólin talqylady. Senat Spıkeri Orys Pravoslavıe shirkeýine Álemdik jáne dástúrli dinder lıderleriniń sezin jan-jaqty qoldap, jahandyq dinaralyq dıalogty nyǵaıtýǵa jáne rýhanı dıplomatııany halyqaralyq deńgeıde damytýǵa járdemdeskeni úshin rızashylyǵyn bildirdi. Sondaı-aq Máýlen Áshimbaev Qazaqstandaǵy Pravoslavıe qaýymy eldiń birligin arttyrýǵa úlken úles qosyp otyrǵanyn atap ótti.
Suhbat barysynda Palata Tóraǵasy VIII Sezge daıyndyq kúrdeli jahandyq syn-qaterler jaǵdaıynda ótip jatqanyna nazar aýdaryp, mundaı ahýal rýhanı kóshbasshylardyń kúsh-jigerin jumyldyrýdy talap etetinin aıtty. Atalǵan túıtkilder klımattyń ózgerýi, bıologııalyq qaýip, ekonomıkalyq toqyraý, kedeıliktiń artýy sııaqty ózekti máselelerdiń saldarynan odan ári shıelenise túsetini anyq.
«Búgingi qalyptasqan jaǵdaıda dinı, saıası jáne qoǵamdyq kóshbasshylardyń birlesip áreket etýiniń mańyzy zor. VIII Sezd «Dinder dıalogy: bolashaq jolyndaǵy sınergııa» taqyrybyna arnalady. Osyǵan baılanysty halyqaralyq qoǵamdastyqtyń aldynda turǵan ózekti problemalardy sheshý jolynda din lıderleriniń kúsh-jigerin biriktirý máseleleri talqylanady. Sondyqtan Sezde syndarly jáne mazmundy pikirtalastar bolyp, atalǵan máseleni sheshýdi kózdeıtin jańa ıdeıalar aıtylady dep senemin. Bul qadam álemdik mádenıetter men dinderdi odan ári jaqyndastyrýǵa tyń serpin bereri sózsiz», dedi Máýlen Áshimbaev.
О́z kezeginde Máskeý jáne Búkil Reseı Patrıarhy Kırıll Qasym-Jomart Toqaevqa Álemdik jáne dástúrli dinder lıderleriniń VIII Sezine shaqyrǵany úshin alǵys bildirdi. Sondaı-aq ol Orys Pravoslavıe Shirkeýi Qazaqstandaǵy túrli din ókilderi arasyndaǵy beıbitshilik pen yntymaqtastyq ıdeıalaryn dáripteýge arnalǵan bastamalardy qoldaıtynyn jetkizdi.
