Foto: ulysmedia.kz
Bas prokýratýranyń málimetinshe, atalǵan qarajattar 2021 jyly Úkimet rezervinen Atbasar aýdanynda sý tasqyny aımaǵynda turatyn 200 januıany kóshirý úshin eki 100 páterli úılerdi salýǵa bólingen.
«Kúdiktiler áreketteri asa iri kólemde jymqyrý – talan-tarajǵa salý, ıaǵnı Qazaqstan Respýblıkasy Qylmystyq kodeksiniń 189 baby 4 bóligi boıynsha saralandy.Kórsetilgen bap boıynsha múlkin tárkileýmen qosa 12 jylǵa deıin bas bostandyǵynan aıyrý jazasy kózdelgen. Eki kúdikti sot sanksııasymen kúzetpen ustaýǵa, qylmysqa úshinshi seriktes úıqamaqqa alyndy», delingen habarlamada.
Tergeý barysynda qylmystyq jolmen alynǵan múlik – Almaty, Astana qalalarynda kommersııalyq jyljymaıtyn múlik, arnaıy tehnıka, qurylys qurylǵylar jáne banktyq shottarda 50 mln teńgeden astam aqshalaı qarajat tabylǵan. Tıym salynǵan múliktiń baǵalanǵan qundylyǵy 335 mln. teńgeden asady.
Prokýrorlarmen, atalǵan múliktiń bir bóligi jalǵa berilip, qylmystyq paıda túsirilgeni anyqtalǵan.
«Sol sebepti, bir kúdiktiniń áreketi qylmystyq jolmen alynǵan aqshany jáne ózge múlikti zańdastyrý (jylystatý), ıaǵnı Qazaqstan Respýblıkasy Qylmystyq kodeksiniń 218 baby 3 bóligi boıynsha qosymsha saralandy. Bul úshin múlkin tárkileýmen qosa 10 jylǵa deıin bas bostandyǵynan aıyrý jazasy kózdelgen», dep habarlady Bas prokýratýranyń baspasóz qyzmeti.
Qazirgi ýaqytta, qylmystyq prosesske qatysýshylarmen qylmystyq is materıaldarymen tanysý júrip jatyr. Atalǵan istiń sońǵy núktesin sot qoıady.
