Qostanaı oblysynda esirtki zattaryn alyp ótýdiń 15 oqıǵasy tirkeldi

QOSTANAI. 30 sáýir. «Qaıraq» shekara beketindegi  ótkizý qyzmetiniń qyzmetkerleri Ekaterınbýrg qalasynyń 44 jastaǵy turǵynyn toqtatty. Ol mingen avtomobıldi tekserý úshin Qarabalyq aýdandyq ishki ister bóliminiń polıseıleri shaqyryldy. Mashınadan  keptirilgen marıhýana tabyldy. Bul týraly alau.kz habarlady. Qostanaı ishki ister departamentiniń basqarma bastyǵy Lev Kvasenkonyń málimetinshe, Qostanaı oblysy óńirindegi shekara beketterinen jyl basynan beri  esirtki zatyn zańsyz alyp ótýdiń 15 oqıǵasy tirkelgen. Bul  ótken jyldyń osy merzimine qaraǵanda eki eseden atyp ketken. Sońǵy jyldary júrgizýshilerdiń esirtki shegip alyp rýlge otyrýy  jıi kezdesedi. Jaqynda jol-kúzet batalonynyń  polıseıleri Lısakov qalasynan shyǵatyn Lısakov–Oktıabr tasjolynda «VAZ-21150» mashınasynyń  joldyń eki betine teńselip bara jatqanyn baıqaıdy.  Ony toqtatqanda 19 jasar júrgizýshiniń esritki shegip alǵany belgili boldy. Qostanaı qalasynda  zańsyz esirtki aınalymy  báseńsimeı tur. Názıra Járimbetova. Derek, sýret: alau.kz