ASTANA. 30 sáýir. Almatyda jaıaý júrginshiler jolaǵynan ótip bara jatqan áıeldi motosıkl qaǵyp, jábirlenýshi oqıǵa ornynda qaza boldy. Bul týraly radiotochka.kz habarlady.
Oqıǵa kýágeri Baqytjan Buqarbaı esimdi azamat áleýmettik jelidegi óziniń paqashasyna: «Men jaıaý júrginshiler jolynan ótip bara jatqan áıeldi motosıkldiń qalaı qaqqanyn kórdim. Qatty jyldamdyqpen kele jatqan kólik ony 40-50 metr qashyqtyqqa ushyryp jiberdi. Jábirlenýshiniń jol apatynan keıin tiri qalýy eki talaı», – dep jazǵan. Taǵy bir derekte, motosıkl júrgizýshisi jaıaý júrginshini qaqqannan soń ózi qarsy baǵytqa shyǵyp ketip, jol jıegindegi aryqqa qulaǵan delingen.
Aıta keteıik, jol apaty saldarynan 48 jastaǵy Almaty qalasynyń turǵyny qaza tapsa, 24 jastaǵy júrgizýshi aýyr halde aýrýhanaǵa jetkizildi. Qazirgi tańda polıseıler oqıǵanyń saldaryn anyqtaýǵa kiristi. Ázirge belgilisi, qaza tapqan turǵyn Batyrhan Shókenovke arnalǵan eske alý keshine qatysyp, úıine qaıtyp kele jatqan degen boljam bar.
Talǵat Raıymbek.
Derek: radiotochka.kz.
Sýret: zakon.kz.
