«Prezıdentti ulyqtaý - el ómirindegi aıryqsha oqıǵa»

PETROPAVL. 30 sáýir. Qazaqstannyń Eńbek Eri, «Zenchenko jáne K» komandıttik seriktestiginiń bas dırektory Gennadıı Ivanovıch Zenchenko  Táýelsiz elimizdiń tarıhyndaǵy barlyq ulyqtaý rásimderine qatysqanyn erekshe maqtanysh etedi.   Onyń esinde  1991 jyly  10 jeltoqsanda Almatydaǵy Respýblıka saraıynda ótken Qazaqstan Prezıdentiniń tuńǵysh ant berý rásimi umytylmastaı qalypty. Bul týraly egemen.kz tilshisi habarlady. «Ol ýaqytta  Memleket Basshysy  saılaýshylardyń 98,7 daýysyn jınap,  jalpyhalyqtyq qoldaýǵa ıe bolǵan edi.  Bul jolǵy ınaýgýrasııa–táýelsiz Qazaqstan tarıhyndaǵy besinshi ulyqtaý rásimi. Bárinde  de Nursultan Ábishulynyń syralǵy serigi, úzeńgiles dosy retinde senimdi ókili bolý baqyty buıyrdy».–deıdi dańǵaıyr  dıqan, tájirıbeli basshy aǵynan jarylyp. Astanadaǵy Táýelsizdik saraıynda saılaýshylardyń 97,75 paıyz daýysyn jınap, qaıta saılanǵan  Elbasynyń  Qazaqstan halqyna ant berý el ómirindegi aıryqsha  oqıǵa ekenin atap kórsetti. Osy sátten bastap resmı qyzmetine kirisken Prezıdenttiń  halqyma burynǵydaı adal qyzmet etip, elim men ulttyq múddemizdi qorǵaımyn degen  málimdemesi bárimizge qanat bitirip, erekshe jiger  berdi.  Qazaqstannyń damýyn qamtamasyz etetin, turaqtylyǵymyzdyń  dińgegi sanalatyn  bes qaǵıdatty jarııalap,  syrttan tónetin  qaýip-qaterlerge qarsy  saqtyq sharalaryn kúsheıtýdi mindettedi. Ishki jaǵdaıymyz jaqsaryp, halyqtyń ál-aýqaty men turmys-tirshiligi artatyn bolsa, memmlekettigimiz de kemeldene túseri daýsyz,–deıdi Gennadıı Ivanovıch. Onyń  málimdeýinshe, aldaǵy jyldar  Táýelsizdigimizdiń tamasha tabystaryn odan ári  eseleı túsip, ózgerister dáýirine  jol ashatyn bolady. О́mir Esqalı.    Derek: egemen.kz Sýret: Talǵat TÁNIBAEV.