Jýyrda ǵana qurylsa da, elishilik jarysta uzaq jyldar boıy eshkimge des bermeı kelgen Almatynyń «Qaıratyn» tuǵyrdan taıdyrǵan «Semeı» ÝEFA Chempıondar lıgasyndaǵy tusaýkeser kezdesýin Ispanııanyń Palma-de-Maıorka qalasynda jergilikti «Palmaǵa» qarsy ótkizdi. Keıingi eki maýsymda qart qurlyqtyń eń mártebeli dop dodasynda qarsylas shaq keltirmegen Pıreneı túbegi túlekterine jerlesterimizdiń áli jetpedi. Bul match 1:4 esebimen aıaqtaldy. Báseke barysynda Igıta esep ashqanymen, kóp keshikpeı Fabıno het-trık jasasa, Machado taǵy bir gol soqty. D tobynda kúsh synasyp jatqan «Semeı» endi Polshanyń «Rekord», Slovakııanyń «Lýchenes» klýbtarymen kezdesedi.
Horvatııanyń Zagrebindegi týrnırdi «Qaırat» sátti bastady. Fransııanyń «Etýal» klýbyna qarsy oıyndy óte shıraq bastaǵan almatylyqtar kózdegen maqsatyna qol jetkizip, 4:2 esebimen jeńiske jetti. Bizdiń oıynshylar arasynan Dener Rodrıgo, Edson, Zanotto, Kevın Arrıeta mergendik tanytty. V tobyndaǵy «Qaırat» óziniń kelesi kezdesýlerin Horvatııanyń qos ujymy – «Olmıssým» men «Dınamo Zagrebke» qarsy ótkizedi.
Osy komandalar arasynda óz tobynda birinshi oryn alǵandar ǵana jarystyń kelesi kezeńine shyǵady. Al «Tórttik fınaly» kelesi jylǵy mamyrdyń basynda ótedi.
