Qoǵam • 30 Qarasha, 2024

Qazaqstan halqyna endi 112 arqyly dinı ekstremızm qaýpi týraly habarlama joldanady

143 ret

kórsetildi

1 mın

oqý úshin

Ekstremızm men terrorızmge qarsy is-qımyldyń memlekettik júıesin damytýdyń 2023-2025 jyldarǵa arnalǵan keshendi josparyn iske asyrý aıasynda endi Qazaqstan azamattaryna dinı ekstremızm qaýpi jáne mundaı áreketter úshin taǵaıyndalatyn jaza týraly SMS habarlamalar joldanady, dep habarlaıdy Egemen.kz.

Azamat QOIShYǴARA

Qazaqstan halqyna endi 112 arqyly dinı ekstremızm qaýpi týraly habarlama joldanady

CNews.ru

Sıfrlyq damý, ınnovasııalar jáne aeroǵarysh ónerkásibi mınıstrligi habarlamalar mátinimen tanystyrdy.

Birinshi habarlama:

Qazaqstan Respýblıkasynyń aýmaǵynda málimetter men materıaldar, sol sııaqty ózge de ónimder bar mass-medıa ónimderin daıyndaǵany, saqtaǵany, ákelgeni, tasymaldaǵany, taratqany úshin dinı alaýyzdyqty qozdyrýǵa baǵyttalǵan Qazaqstan Respýblıkasynyń Ákimshilik quqyq buzýshylyq týraly kodeksiniń 453-babyna sáıkes ákimshilik jaýapkershilik kózdelgen.

Ekinshi habarlama:

Tirkelmegen dinı birlestikterdiń qyzmetine basshylyq jasaǵany, qatysqany, olardyń qyzmetin qarjylandyrǵany úshin Qazaqstan Respýblıkasynyń Ákimshilik quqyq buzýshylyq týraly Kodeksiniń 489-babyna sáıkes ákimshilik jaýapkershilik kózdelgen.

Úshinshi habarlama:

Dinı qyzmet jáne dinı birlestikter týraly zańnamany buzǵany úshin Qazaqstan Respýblıkasynyń Ákimshilik quqyq buzýshylyq týraly Kodeksiniń 490-babyna sáıkes ákimshilik jaýapkershilik kózdelgen.

SMS habarlamalar jylyna bir márte joldanady.