Astanaǵa Grýzııanyń vıse - premeri Kaha Kaladze kele jatyr

ASTANA. Kezinde fýtboldan Grýzııa ulttyq qurama komandasy men Kıevtiń «Dınamo» jáne Italııanyń «Mılan» klýbtarynda óner kórsetken Grýzııa Premer-Mınıstriniń orynbasary jáne Energetıka mınıstri Kahaber Kaladze Astana qalasynda 29 qyrkúıek pen 1 qazan aralyǵynda ótetin X KAZENERGY Eýrazııalyq forýmyna qatysady.  Bul týraly egemen.kz tilshisi habarlady. Kaha Kaladze «Mılan» komandasynyń quramynda ÝEFA chempıondar lıgasyn eki ret jeńip alǵan. Grýzııanyń bes márte chempıony.  Onyń Premer-Mınıstriniń orynbasary jáne Energetıka mınıstri bolǵanyna kóp ýaqyt ótken joq. Memlekettik qyzmetker retinde Kaladze eliniń energetıka salasyn damytýǵa zor úles qosyp keledi. «Energetıkanyń jańa kókjıegi: áriptestik pen ınvestısııalardyń tyń múmkindikteri» X KAZENERGY Eýrazııalyq forýmy 10 jyl ishinde barlyq energetıkalyq ónerkásipter men munaı-gaz salasynyń kásiporyndaryn biriktiretin bedeldi ári yqpaldy dıalog alańy bolyp qalyptasty.   KAZENERGY Eýrazııalyq forýmy Qazaqstannyń asa iri salalyq halyqaralyq sharasy bolyp sanalady. Forým baǵdarlamasynda Halyqaralyq energetıkalyq agenttik (IEA), Halyqaralyq jańarmaly energııa agenttigi (IRENA), Energetıkalyq Hartııa Hatshylyǵy, Dúnıejúzilik munaı keńesi (WPC), Injener-munaıshylar qoǵamy (SPE) jáne basqa da uıymdardyń sarapshylarymen birlesken sharalar ótkizý josparlanyp otyr. Dastan Kenjalın. Derek, sýret: egemen.kz