Jas qazaq kásipkerleri endi AQSh-tyń Nıý-Iork, Vashıngton, Sıetl sııaqty ózge de iri qalalarynda etno-kofehana ashýdy josparlap otyr. Sebebi tary qosylǵan kofe – amerıkalyqtarǵa jańa dúnıe. Onyń ereksheligi – tary qosylǵan soń kofeniń ádettegi ashy dámi basylyp, jumsaq sýsynǵa aınalatyndyǵynda. Kofehanada shaı, naýat, qurt sekildi ónimder de usynylady.
Gıtlerdiń jeńisi
XXI ǵasyrda Adolf Gıtler jeńgen saılaý qaıda ótti?
Namıbııa uzaq ýaqyt boıy nemis otary boldy. 2020 jylǵy jergilikti saılaýda Oshana ákimshilik okrýginiń birinde Adolf Gıtler Ýnona esimdi bıleýshi partııanyń kandıdaty retinde jeńiske jetti. Depýtat onyń ákesi Gıtlerdiń tarıhtaǵy naqty rólin túsinbegenin ári ózi eshkimdi jaýlap almaıtynyn aıtyp aqtalǵan edi. «Atymnyń saıası rólime esh qatysy joq. Bul úlkenderdiń qateligi. Men izgilikti qoldaımyn» degen eken jańa zamannyń basqasha Gıtleri.
Qoltyraýyn qańqasy
Paleontologter Perýdyń Okýkahe shólinen 10 mıllıon jyl buryn ómir súrgen qoltyraýyn súıekterin tapty.
Ǵalymdardyń boljamynsha, «Pıskogavıalıs» atty bul janýar Ońtústik Amerıkada shamamen 12 mıllıon jyl buryn ómir súrgen. Uzyndyǵy shamamen 3 metr. Sýda mekendegen. Ǵalymdar ony tek balyqpen qorektengen dep otyr. Eksponat keler aıda Perýdiń geologııalyq taý-ken-metallýrgııalyq ınstıtýtynda kórsetiledi.
