Janǵa jaıly bes meken

1. «Shýche – Býrabaı» kýrorttyq aımaǵy

Shýche – Býrabaı kýrorttyq aımaǵy – elimizdegi qysqy demalystyń negizgi baǵyttarynyń biri. О́ńir týrısterdi tumsa tabıǵatymen, taza aýasymen, joǵary deńgeıdegi jaılylyǵymen bir­den baýraıdy. 2024 jylǵy qańtar-maýsym araly­ǵynda óńirde týrıstik aǵynnyń aıtarlyqtaı art­qany baıqaldy. Ornalastyrý oryndarynyń sany 203-ke jetip, qyzmet kórsetilgen qonaq­tar sany 143 629 adam boldy. Bul ótken jyl­dyń sáıkes kezeńimen salystyrǵanda 10 949 adamǵa kóp. Infraqurylymnyń damýy men qyz­met kórsetý sapasynyń jaqsarýy aımaqtyń tartym­dylyǵyn arttyrýda mańyzdy ról atqarady.

2. Almaty taý klasteri

Almaty taý klasteri qysqy sportty unatatyn­darǵa belsendi demalystyń alýan túrin usynady. Taý klasteri Qaskeleń men Túrgen taýlary arala­ryn qamtıdy. Quramyna qala aýmaǵyndaǵy Shym­bulaq, Almataý, Býtakovka, Tabaǵan, Orman erte­gisi, Aqbulaq sekildi tumsa tabıǵat aıasyndaǵy kórik­ti jerler kiredi. 2024 jyldyń birinshi jarty jyl­dyǵynda taýly óńir 1,2 mıllıonnan astam qonaqty qa­byldap, ornalas­tyrý oryndarynyń sany 518-ge jet­ken. Almaty taý klasteri ınfraqurylym men qyz­met kórsetý deńgeıin udaıy jetildirip otyrady, otandyq, sheteldik týrıs­terge odan saıyn tartymdy ete túsedi.

3. Katonqaraǵaı kýrorttyq aımaǵy

Katonqaraǵaı kýrorttyq aımaǵynyń tabıǵaty – tynysh ári ońasha demalysty súıetinderge taptyrmas oryndardyń biri. 2024 jyldyń alǵashqy alty aıynda kýrorttyq aımaq ótken jyldyń osy kezeńimen salystyrǵanda eki ese kóp qonaq qabyldap, usynylǵan qyzmetterdiń kólemi 17,7 mıllıon teńgege ósken.

4. Sharyn shatqaly

Sharyn shatqaly – qys mezgilinde erekshe atmos­feraǵa bólenip, tabıǵat sulýlyǵyn baǵalaı­tyn týrısterge shabyt syılaıtyn meken. Keńeıtilgen ınfraqurylym men jańa demalys oryndary aımaq­tyń týrıstik tartymdylyǵyn arttyrýda mańyzdy ról atqaryp otyr. Sharyn shatqaly kelýshilerge tańǵa­jaıyp tabıǵat kórinisterimen demalýǵa yńǵaıly múmkindikter usynady.

5. Kókshetaý jáne onyń aınalasyndaǵy kólder

Kókshetaý jáne aınalasyndaǵy kólder shańǵy ári snoýbord tebý sııaqty tynysh demalys pen bel­sendi kóńil kóterýge arnalǵan tamasha demalys oryn­daryn usynady. Qazir de aımaqtyń týrıstik ınfraqury­lymy qarqyndy damyp keledi. Bul óz kezeginde óńirdi otbasylyq qysqy demalys orny retinde tartymdy etedi.