Foto: kazgazeta.kz
Bul zańǵa saı avtomatty túrde tirkeý júıelerimen anyqtalatyn túzý syzyqty ýchaskelerde «ortasha jyldamdyqtan» asyp ketkeni úshin jaýapkershilik engiziledi.
«Joldardyń ár túrli ýchaskelerinde «ortasha jyldamdyq» ár túrli bolady, sebebi formýlaǵa sáıkes ár avtokólik avtomatty túrde esepteledi. Bul jańalyq taldaýdy eskere otyryp engizildi, sebebi qala mańyndaǵy trassalardaǵy árbir úshinshi adam jyldamdyq rejıminiń asyp ketýiniń saldarynan kóz jumǵan», dedi IIM ákimshilik polısııa komıteti erekshe tapsyrmalar jónindegi aǵa ınspektory Aqtoty Boranova.
Habardyń málimetinshe, elimizde ortasha jyldamdyqty esepteýge bolatyn 25 myń shaqyrym respýblıkalyq jáne halyqaralyq jol bar. Jańa ereje ázirge sonyń 3 200 shaqyrymynda qoldanylady.
Al «Ortasha jyldamdyq» júrip ótken joldy júrip ótken ýaqyt aralyǵyna bólý arqyly esepteledi. Osy erejeni saqtamaǵan júrgizýshilerge 5-40 AEK kóleminde aıyppul salynady.
«Endi sol kameralardy ortasha jyldamdyq boıynsha qoldanýǵa múmkindik berip otyrmyz. Shyǵyn jasamaı, qolda bar ınfraqurylymdy ary qaraı paıdalaný. Aralyqty 20 mınýtta júrýińiz kerek mysalǵa. Eger siz eki arkanyń ortasynda 20 emes, 10 mınýtta júrip ótseńiz, siz ortasha jyldamdyqty buzyp otyrsyz», dedi QR Kólik mınıstrligi Avtomobıl joldary komıtetiniń basqarma basshysy Ǵabıt Shymyrbaev.
