- «Goal» portaly HHI ǵasyrdyń eń bilikti bapkerleriniń tizimin jarııalady. Úzdikter kóshin ár jyldary «Barselona», «Bavarııa», «Manchester Sıtıdi» jattyqtyrǵan Hosep Gvardıola bastap tur. Ony Karlo Anchelottı («Mılan», «Chelsı», «Bavarııa», «Real»), Aleks Fergıýson («Manchester Iýnaıted») ókshelep keledi. Odan keıingi satylarǵa Joze Moýrınıý («Portý», «Chelsı», «Inter», «Real», «Manchester Iýnaıted»), Iýrgen Klopp («Borýssııa» Dortmýnd, «Lıverpýl»), Zınedın Zıdan («Real»), Dıego Sımeone («Atletıko»), Vısente Del Boske (Ispanııa quramasy), Lýıs Enrıke («Barselona», Ispanııa quramasy, PSJ), Antonıo Konte («Iýventýs», Italııa quramasy, «Chelsı», «Napolı»), Arsen Venger («Arsenal»), Ýnaı Emerı («Spartak», «Sevılıa», PSJ «Arsenal», «Aston Vılla»), Roberto Manchını («Inter», «Manchester Sıtı», «Zenıt», Italııa quramasy), Lıonel Skalonı (Argentına quramasy), Dıde Desham (Fransııa quramasy) syndy maıtalmandar jaıǵasty.
- Erteń Fransııanyń Orlean qalasynda qylyshpen semserlesýden Gran-prı dodasy bastalady. Básekede elimizdiń namysyn Áıgerim Sarybaı, Karına Dospaı, Alına Ospanova, Tatıana Prıhodko, Anastasııa Gýlık, Nargız Saıdýllaeva, Dılıara Isabekova, Jasmın Qapydjy, Polına Ko, Artem Sarkısıan, Sattarhan Nazarbaı, Bakdáýlet Kuralbekuly, Beksultan Ábjal, Artýr Chýprakov, Qýanysh Erǵashbaı, Janat Nábıev, Muhamedáli Rahmanáli, Nurmuhammed Jaılybaı qorǵaıdy.
- Úndistan astanasy – Nıý-Delıde gandboldan áıelder arasyndaǵy Azııa chempıonatynyń shymyldyǵy túrildi. Tusaýkeser kezdesýin Qytaıǵa qarsy ótkizgen otandastarmyz bul matchta 28:26 esebimen jeńiske jetti. Endi burymdylarymyz Sıngapýr, Ońtústik Koreıa quramalarymen sheberlik baıqasady.
- Elimizdiń Ulttyq Olımpıada komıtetiniń qyzmetkerleri Azııa Olımpıada keńesiniń (AOK) onlaın-otyrystaryna qatysty. Jumys sessııasynda 2026 jylǵy Azııa oıyndary men 2025 jylǵy jastar arasyndaǵy Azııa oıyndaryna daıyndyq, sondaı-aq aımaqta sportty damytý, olımpıadalyq qozǵalysty qoldaý jónindegi strategııalyq bastamalar qaraldy.
- «Sportal Mag» portaly 8 jeltoqsanda Las-Vegasta ótetin UFC 310 týrnırinde kúsh synasatyn Shavqat Rahmonovtyń sol keshte qansha tabys tabýy múmkin ekenin jarııa etti. Ol oktagonǵa shyqqany úshin 350 000 AQSh dollaryn qaltaǵa basady. Jeńiske jetken jaǵdaıda taǵy 100 000 dollar kóleminde ústemeaqy alady. Al eger qos tarap keremet óner kórsetse, olardyń syıaqysy taǵy 50 000-ǵa ósedi.
