Nazarbaev ýnıversıteti basshysyn qabyldady

M.Áshimbaev elimizde ǵylymdy damytý memlekettik saıasattyń basym baǵyt­­tarynyń biri ekenin atap ótti. Mem­­le­ket basshysynyń tapsyrmasymen otan­dyq ǵylymnyń áleýetin nyǵaıtý jáne barlyq salaǵa ınnovasııany keńinen engizý jóninde júıeli sharalar qabyldanyp jatqany da sóz boldy.

Suhbat barysynda taraptar bilim berý jáne ǵylymı zertteý jumystary­nyń kele­she­gine, sondaı-aq ártúrli salada jańa teh­no­logııalar men ınnova­sııalar ázirleý isi­ne erekshe nazar aýdardy. Osy oraıda Senat pen Nazarbaev ýnıversıteti janyn­daǵy Zııatkerlik júıeler jáne jasandy ın­tellekt ınstıtýty arasyndaǵy is-qımyl­dy odan ári damytý máselesi sóz boldy.

«Zııatkerlik júıeler ınstıtýtymen yntymaqtasa jumys isteý jasandy ıntel­lekt tehnologııalaryna arnalǵan nor­ma­tıvtik-quqyqtyq baza ázirleýde mańy­zy zor. Granttyq baǵdarlamalar sııaq­ty jasandy ıntellekt salasyndaǵy zertteý­lerdi yntalandyrýdyń da bereri mol dep esepteımiz. Ýnıversıtettiń osy baǵytta­ǵy ǵalymdarymen birlesip jumys isteý tıimdi jáne progressıvti quqyqtyq orta qa­lyp­tastyrýǵa yqpal etedi», dedi M.Áshimbaev.

Kezdesý kezinde Senat spıkerine Nazarbaev ýnıversıtetiniń qazirgi qyzmeti, alda­ǵy jospary jáne birlesken jobalar men bastamalar jóninde málimetter berildi.