Bul júıe kompıýterdi ózdiginen basqaryp, túrli tapsyrmalardy oryndaı alady. «Bloomberg» málimetinshe, alǵashqy nusqasy 2025 jyldyń qańtarynda daıyn bolady. Mundaı agentterdi «Google» men «Anthropic» kompanııalary da jasap jatyr. Bul tehnologııa aqparat óńdeýden bólek, kompıýterlik júıelermen tikeleı jumys isteıdi. Sarapshylardyń sózinshe, joba jasandy ıntellekti jańa dáýiriniń basy bolmaq. Kompanııanyń boljamynsha, 2025 jyly mundaı júıeler kúndelikti ómirdiń bir bóligine aınalady. JI zerthanalary avtonomdy agentter jumsalǵan qarjyny eselep qaıtarady dep otyr.
Júzetin robot
Garvard ǵalymdary spırttiń kómegimen sýda qozǵalatyn kishkentaı robottar jasady.
Robottardyń dıametri 1 sm. Olarǵa aýa kamerasy men spırt quıylǵan bak ornatylǵan. Sýǵa túskende, spırt kishkentaı tesikten tógilip, robotty qozǵaltady. Bul úderis Marangonı áserine negizdelgen. Iаǵnı tómengi bettik kerilýi bar suıyqtyq joǵary kerilýmen árekettesip, tartylys kúshin týdyrady. Robottar 6 sm/s jyldamdyqpen 500 sekýndqa deıin qozǵala alady. Spırt sýdy lastamaıtyndyqtan, eń tıimdi otyn retinde tańdalǵan. Ǵalymdar kúrdeli traektorııamen júretin, birlesip áreket etetin robottardy da synaqtan ótkizdi.
Barlyǵyn baqylaıtyn radıoteleskop
Qytaılar Szılın provınsııasynda dıametri 120 metr bolatyn tolyqaınalmaly radıoteleskop salyp jatyr.
Radıoteleskop aspannyń kez kelgen núktesin baqylaýǵa múmkindik beredi. Jańa qurylǵy asteroıdtardy qadaǵalap, Kún júıesiniń planetalaryn zertteýge arnalǵan. Teleskoptyń qurylysy 2028 jyly aıaqtalady. Jobany Qytaı ǵylym akademııasy júzege asyryp jatyr. Ǵalymdar qurylǵy Qytaıdyń radıoastronomııa, ǵalamshardy qorǵaý salasyndaǵy múmkindikterin arttyrady dep otyr.
