Rybakınanyń tabysy – 7,9 mıllıon dollar

20 jastaǵy AQSh-tyń ókili bıyl Aýstralııa ashyq birinshiliginiń jartylaı fınalyna deıin jetip, WTA-nyń birneshe týrnırinde top jardy. Sonymen qatar juptyq saıystarda da sátti oınady. Osy kórsetkishteriniń nátıjesinde Gaýff bıyl 30,4 mln AQSh dollary (9,4 mln dollar túrli týr­nırdegi syıaqy + 21 mln dollar demeýshiler bólgen qarajat) kóleminde oljaǵa keneldi. Ekinshi orynda – Iga Shventek. Eki jyldan asa ýaqyt eshkimge des bermeı, álemdik reıtıngte jeke-dara kósh bastaǵan 23 jastaǵy Pol­shanyń ókili bı­ylǵy maýsymdy ekinshi oryn­men qo­ry­­tyn­dylady. Jazda ol Ro­lan Gar­rostyń je­ńimpazy atandy. Basqa da iri dodalarda táýir nátıje kórsetti. Shventektiń tabysy – 21,4 mln dollar. (8,4 mln dollar syıaqy + 13 mln dollar demeýshiler). Úzdik úshtikti Chjen Sınven tú­ıin­dep tur. WTA tiziminde be­sinshi satyǵa jaı­­ǵasqan 22 jas­­taǵy qytaı qyzynyń tabysy osy maý­symda 20,6 ml­n dollarǵa kó­beıdi (5,6 mln dollar syıaqy + 15 mln dollar demeý­shi­ler). Jyl basynda Chjen Melbýrndegi jarystyń fınalynda oınady. Sondaı-aq úzdik bestiktiń qatarynda belarýstik Arına Sobolenko – 17,7 mln dollar (9,7 mln dollar syıaqy + 8 mln dollar demeýshiler) men japonııalyq Nao­mı Osaka – 15,9 mln dollar (870 myń dollar syı­aqy + 15 mln dollar demeýshiler) syndy burym­dylar bar.

Elena Rybakına baqýatty­lardyń reıtınginde 14-orynǵa tu­raqtady. 2024 jyly elimizdiń birinshi, álemniń altynshy raket­kasynyń esepshotyna 7,9 ml­n dollar aýdaryldy. Onyń 3,9 mln dollar jarystarǵa qatysqany úshin berilgen syıaqy bolsa, 4 mln dollar – demeýshilerden túsken qa­rajat.