Sýret: kazislam.kz
Depýtattarǵa Joǵary aýdıtorlyq palatasy tóraǵasynyń aýyl sharýashylyǵyn sýbsıdııalaýǵa bólingen memleket qarajatyn paıdalanýdyń tıimdiligi jónindegi esebin tyńdaý usynylady. Aýdıt Aýyl sharýashylyǵy mınıstrliginde jáne onyń Shyǵys Qazaqstan, Pavlodar, Soltústik Qazaqstan jáne Túrkistan oblystaryndaǵy aýmaqtyq bólimshelerinde júrgizildi.
Sonymen qatar Májilis birinshi oqylymda qurylys salasyn jetildirý jáne turǵyn úı qurylysyna úlestik qatysý máseleleri boıynsha ózgerister men tolyqtyrýlar engizý týraly zań jobasyn qaraıdy. Qujat Májilis depýtattarynyń bastamasymen ázirlengen jáne turǵyn úı qurylysyna úlestik qatysý sharttaryn elektrondy túrde jasaý múmkindigin qarastyrady. Sondaı-aq úlestik qatysý sharttaryn jergilikti atqarýshy organda biryńǵaı aqparattyq júıe arqyly mindetti túrde tirkeý normalary usynylady.
Zań jobasymen jumys barysynda depýtattar úleskerlerge turǵyn úı qurylysy boıynsha keńes berýdi qoldaıtyn ortalyq qurý jónindegi túzetýlerdi engizdi. Buǵan qosa aldyn ala sharttardy, brondaý, ınvestısııalaý sharttaryn jasasýǵa, sondaı-aq jergilikti atqarýshy organnan úleskerlerdiń qarajatyn tartýǵa ruqsat alynbaǵan jáne turǵyn úı qurylysynyń biryńǵaı operatorynyń kepildiginsiz salynyp jatqan úılerdiń jarnamasyna tyıym salý usynylady.
