Soltústik Qazaqstanda asyl tuqymdy mal kóbeıip keledi

PETROPAVL. 17 maýsym. Aımaq basshysy Erik Sultanovtyń qatysýymen   iri agroqurylym jetekshilerimen ótken keńeste 2015-2017 jyldary mal sharýashylyǵyn damytý máseleleri jan-jaqty talqylandy. Bul týraly oblystyq ákimdiktiń baspasóz qyzmeti habarlady. Búginde soltústikqazaqstandyqtar eginshilikpen qatar mal sharýashylyǵyn oıdaǵydaı damytyp keledi. «Iri qara malynyń eksporttyq áleýetin arttyrý» jobasy aıasynda   byltyr 1,7 myń basqa arnalǵan 10 asyl tuqymdy reprodýktor, 2800 basqa shaqtalǵan 5 bordaqylaý alańy quryldy.    «Sybaǵa», «Qulan», «Altyn asyq» baǵdarlamalary sheńberinde 9200 bas túlik satyp alyndy.  Nátıjesinde agroqurylymdardaǵy iri qara malynyń sany 53 paıyzǵa jetti.  Bıyl 20 myń bas mal ákelý josparlanǵan. Jıynda sóz alǵan «Leonov» ShQ-nyń jetekshisi Pavel Leonov iri qara maldyń sany qazirgi kezde 585 basty qurap otyrǵanyn, aldaǵy úsh jylda 1500 basqa deıin jetkizetinin málimdedi. «Sút óńdeý isin jolǵa qoıý maqsatymen sheteldik qural-jabdyqtar satyp aldyq. Endi táýligine 10 tonna sút óńdeıtin sehty iske qosatyn bolamyz», dedi Pavel Iаkovlevıch. Mamlıýt aýdanyndaǵy «IshımAgroNord» JShS-niń basshysy Igor Grıshanov aldaǵy úsh jylda mal sanyn 5 000 basqa deıin ósirýdi josparlap otyr. Bıyl mal tabyndary asyl tuqymdy 500 baspen tolyqqan.  Al, Maǵjan Jumabaev aýdanyndaǵy «Amanat-Agro» JShS mal sharýashylyǵyn damytýǵa kirisip ketipti. Ony úsh jylda 1 000 basqa deıin kóbeıtý kózdelgen. Kezdesýdi qorytyndylaǵan Erik Hamzauly osy másele boıynsha oblystyń árbir aýyl sharýashylyǵy qurylymymen tıisti kelisim jasalatynyn atap kórsetip, bul oraıda, jumyskerlerdiń jalaqysyn kóterý máselesin baqylaýǵa alýdy tapsyrdy. О́mir Esqalı. Derek, sýret: Soltústik Qazaqstan oblystyq ákimdiginiń baspasóz qyzmeti.