Dallasta kúmis aldy

Jarysta qazirgi kezde Kalıfornııa shta­tynda turyp jat­qan Baqytkeldi Qasenov te tabysty óner kórsetti. Biz buǵan deıin bul jigittiń qazan aıynda dzıýdodan Nankadaǵy «Nanka Fall Tournament», San-Hosedegi «San Jose open» týrnırlerinde bas júldeni oljalap, djıý-djıtsýdan Los-Andjelestegi do­dada qola medaldy moınyn­da jarqyratqany jaıynda jaz­­ǵanbyz. Baqytkeldi Dal­lasta da ózin jaqsy qyrynan kór­setip, kúmis medalǵa ıe bol­dy. Jartylaı fınalda Mettıý Lendrıdiń aıaǵyn kók­ten keltirgen Qasenov fınalda Merlon Garsııaǵa ese jiberdi. Bul balýandardyń ekeýi de AQSh-tan.

«Otbasymmen birge Amerı­kada turyp jatqanyma eki jyl­dan asty. Bala kezimnen sambo men dzıýdony serik etip, Jetisý, Almaty oblystarynyń mańdaıaldy balýany boldym, respýblıkalyq týrnırlerde júldegerler qatarynan kórindim. Jasym 35-ke taıap qalsa da, sporttan áli de qol úzgen joq­pyn. Qazir Los-Andjeleste jattyǵyp, joǵaryda atalǵan sport túrlerinen bólek, djıý-djıt­sý, grepplıngten baq sy­nap júrmin. Jeńip alǵan júl­delerim de az emes. Aldaǵy ýaqyt­ta budan da iri dodalarda daralanýdy kózdeımin. Muhıttyń arǵy jaǵalaýynda da qazaq­tyń myqtylyǵy men tektiligin tanytýǵa barynsha kúsh salamyn», deıdi Baqytkeldi balýan.

Týrnırde ataǵy alysqa ketken Harasava Hıkaesı de kúsh sy­nasty. Bul esim jankúıer­ler­­ge jaqsy tanys. Alyptar­men aıqasyp júrgen Japo­nııa jul­dyzy 2016 jyly Rıo-de-Ja­neıroda ótken Olımpııa oıyn­darynda kúmis medal ıelen­di. Fınalda dańqy jer jar­­ǵan Fransııa dzıýdoshysy Ted­dı Rınerge ǵana utyldy. 2021 jyly Tokıo Olımpıadasynyń koman­dalyq saıysynda da ekinshi oryndy enshiledi. Odan bólek, álem chempıonatynda 2 altyn, 1 kúmis, 1 qola medal oljalady. Dańqty balýan Tehas shtatyndaǵy týrnırde óz salmaǵynda top jardy. Mine, osy jaıttyń ózi-aq atalǵan jarystyń deńgeıi qanshalyqty joǵary bolǵanyn ańǵartady.