Sýret: primeminister.kz
Komıssııa quramyna Parlament Senaty men Májilisiniń depýtattary, Ǵylym jáne joǵary bilim mınıstrligi, JOO qaýymdastyǵy, «Atameken» ulttyq kásipkerler palatasy ókilderi jáne qoǵam qaıratkerleri kirdi.
Otyrys barysynda «Álkeı Marǵulan atyndaǵy Pavlodar pedagogıkalyq ýnıversıteti» KeAQ rektory laýazymyna kandıdattar qaraldy.
1962 jyly negizi qalanǵan joǵary oqý orny aımaqtaǵy jalǵyz pedagogıkalyq bilim berý provaıderi bolyp sanalady jáne bilim berý júıesine mamandar daıarlaıdy.
Úmitkerler birqatar krıterııge sáıkes kelýi kerek: ǵylymı dárejesiniń bolýy, bilim jáne ǵylym salasyndaǵy basshylyq laýazymdarda jumys tájirıbesi – keminde 5 jyl. Ǵylymı ataǵy bar kandıdattarǵa (professor, dosent) artyqshylyq berildi.
«Álkeı Marǵulan atyndaǵy Pavlodar pedagogıkalyq ýnıversıteti» KeAQ basqarma tóraǵasy-rektordyń laýazymyna 3 kandıdatýra usynyldy. Olar joǵary oqý ornynyń aldaǵy 5 jyldyq damý josparyn qorǵady. Nátıjesinde, komıssııa Erjan Ámirbekulynyń ýnıversıtet rektory laýazymyna kandıdatýrasyn biraýyzdan qoldady.
«Elimizde bilim sapasyn arttyrý jóninde keshendi sharalar qabyldanýda. Bul rette ustazdar qaýymyna úlken jaýapkershilik artylyp otyr. Keleshekte elge qyzmet etetin azamattardy tárbıeleýde bilikti pedagogterdiń mańyzy erekshe. Sapaly kadr daıarlaý úshin joǵary oqý oryndary bar kúshin salýy qajet. Sondyqtan rektor qyzmetin atqaratyn azamat bul jumysty óz deńgeıinde uıymdastyra bilýge tıis», dep atap ótti T.Dúısenova.
