Foto: dimashnews.com
Tilashar shyǵarý ıdeıasy «Dımash radıosynda» ótkizilgen qazaq tili kýrstary aıasynda bastalǵan. Radıo tyńdarmandary osy kýrstyń arqasynda Qazaqstanǵa sapar shegý sııaqty taqyryptarda negizgi sózder men sóz tirkesterin úırengen. Kýrstar almatylyq oqytýshy Beglan Sharymbaevtyń kómegimen ótkizilgen. Ol fan-klýbqa sabaq ótip, qazaqsha durys sóıleýdi meńgerýge kómektesken.
Oqý prosesiniń ereksheligi polıak tilindegi qazaq sózderiniń fonetıkalyq transkrıpsııasyn daıyndaý bolǵan. Ýaqyt óte kele qatysýshylar barlyq jınaqtalǵan materıaldardy biriktirip, kitap shyǵarýǵa sheshim qabyldaǵan.
Sózdikti ázirleýge: qazaq tili oqytýshysy – Beglan Sharymbaev; ıllıýstrator – Ivona Opara-Staholes; korrektor – Ýla Vlodarsk; qazaq tili kýrstarynyń avtory, sonymen qatar, júrgizýshisi – Tereza Konkol qatysqan.
Tilashar Dımashtyń jankúıerlerin qazaq tiliniń negizderimen tanystyryp qana qoımaı, ártúrli ıllıýstrasııalardyń arqasynda oqý prosesin jeńildetedi. Avtorlardyń pikirinshe, shaǵyn kitap saıahatshylar úshin Qazaqstannyń kórkem jerlerimen tanysýǵa paıdaly nusqaýlyq bolmaq. Sonymen qatar Dımashtyń jankúıerlerin onyń mádenıetin tereńirek zertteýge shabyttandyrady.
«Men bizdiń bul jumysymyzdy maqtan tutamyn. Dımashtyń bul polıak fan-klýby onyń shyǵarmashylyǵyna qoldaý kórsetip qana qoımaı, qazaq tilin keńinen nasıhattaıtyndyǵynyń taǵy bir dáleli», dedi Tereza Konkol.
