Lotarıngııa ýnıversıteti - Fransııanyń 13 qalasynda 49 oqý ǵımarattary bar jetekshi fransýz ýnıversıtetteriniń biri. Ári (Université de Lorraine) fransýz memlekettik zertteý ýnıversıteti bolyp tabylady. Lotarıngııa ýnıversıtetimen Abaı ýnıversıteti arasynda yntymaqtastyq burynnan jolǵa qoıylǵan. Iаǵnı Abaı atyndaǵy QazUPÝ men birge 2018 jyldan bastap «Halyqaralyq quqyq» qos dıplomdy bilim berý baǵdarlamasy júzege asyrylyp keledi.
Lotarıngııa ýnıversıtetiniń saltanatty is-sharasyna arnaıy barǵan Qazaqstan Respýblıkasy Ǵylym jáne Joǵary bilim mınıstrliginiń Joǵary jáne joǵary oqý ornynan keıingi bilim komıtetiniń tóraǵasy Gúlzat Kóbenova men Fransııanyń Qazaqstandaǵy Tótenshe jáne О́kiletti Elshisi Sılvan Gıoge arnaıy memorıaldyq taqtany ashty. Budan soń, qonaqtar fransýz tilindegi alǵashqy Ortalyq-Azııa kitaphanasynyń ashylý saltanatyna kýá boldy. Abaı ýnıversıtetiniń professor-oqytýshylary jáne stýdentteri men kezdesken mártebeli meımandar Lotarıngııa ýnıversıteti fılıalynyń ashylýy bilim jáne ǵylym salasyna jańa lep alyp keletindigin jetkizdi. Jıynǵa Lotarıngııa ýnıversıtetiniń Quqyq, ekonomıka jáne basqarý ınstıtýtynyń dırektory Per Tıfın, QR Prezıdent janyndaǵy Adam quqyqtary jónindegi komıssııanyń tóraǵasy Igor Rogov, Abaı atyndaǵy QazUPÝ-niń rektory Bolat Tilep, QR Syrtqy Ister Mınıstrliginiń Almaty qalasyndaǵy О́kildiginiń Basshysy Jánibek Ábdirashov, Qazaqstan-Fransııa Saýda-О́nerkásip palatasynyń Bas dırektory Mýnıra Artyqbekova t.b basqa qonaqtar qatysyp, ýnıversıtet fılıalynyń aldaǵy atqarar isine sáttilik tiledi.
Aıtýly kúnde 1 kýrs stýdentterine rektordyń bilim granttary tabys etildi. Sondaı-aq Lotarıngııa ýnıversıtetiniń dıplomdary «Halyqaralyq quqyq» qos dıplomdy baǵdarlamasynyń túlekterine arnaıy berildi. Al Sorbonna-Qazaqstan ınstıtýtynyń 5 úzdik stýdentine «Freedom Shapaǵat» korporatıvtik qorynan aı saıynǵy 50 myń teńge mólsherindegi stıpendııa sertıfıkaty usynyldy.
Arnaıy ótken jıynnan soń Abaı ýnıversıteti QR Prezıdent janyndaǵy Adam quqyqtary jónindegi komıssııasymen, Lotarıngııa ýnıversıtetiniń Quqyq, ekonomıka jáne basqarý ınstıtýty jáne Qazaqstan-Fransııa Saýda-О́nerkásip palatasy arasynda birneshe ortaq kelisim jasalyp taraptar ózara memorandýmǵa qol qoıdy. Aldaǵy ýaqytta bilim, ǵylym jáne adam quqyqtary salasyndaǵy ózara tıimdi yntymaqtastyqty damytý, quqyq salasyndaǵy fransýz-qazaqstandyq qos dıplom baǵdarlamasyn iske asyrý, kásiptik daıarlaý, jumysqa ornalastyrý jáne fransýz tilin úırený salasynda ózara tıimdi yntymaqtastyqty damytý boıynsha ortaq jobalar ary qaraıda jandanatyn bolady.
