О́kinishke qaraı, izbasarlardyń dúbirli dodaǵa qatysyp, dúldúldermen teń dárejede beldesýge áli de daıyn emes ekeni osy joly anyq baıqaldy. Kúnshyǵys elinde tatamıge shyqqan dzıýdoshylarymyz alǵashqy aınalymdardan asa almady. Dáýren Súıekenov pen Sherzad Davlatov (60 kg) tusaýkesker kezdesýlerinde brazılııalyq Mıshel Aýgýsto men mońǵolııalyq Elik Qazirbıekten jeńildi. Baqytjan Ábdirahmanov (66 kg) rýmynııalyq Lýsıanom Borstan basym túskenimen, ile-shala amerıkalyq Djek Enezýkıge jol berdi. Jalǵas Qaırolla (73 kg) japonııalyq Kaıto Amanodan aılasyn asyra almady. Ádilet Saparǵalıev (100 kg ) Mońǵolııanyń ókili Enhbaıar Altanshaǵaıdyń aldynda dármensizdik tanytty. Olarǵa qaraǵanda Maksım Meıirlan (81 kg) táýir kúresti. Bastapqy básekelerde Ońtústik Koreıa men Italııanyń myqty balýandarynan basym túsken ol úshinshi kezeńde tatamı qojaıyny Gokı Tajımaǵaǵa ese jiberdi.
Kúnshyǵys elinde qyzdardan da nátıje bolmady. Tolǵanaı Ábeýova (52 kg), Dana Ábdirova (57 kg), Samalaı Erǵalıeva (63 kg), Nazgúl Maratova, Karına Tákıeva (+78 kg) «shý» degende súrindi.
