Arab memleketteriniń elshilerimen kezdesti

Basqosýdyń negizgi taqyryby eki­jaq­ty jáne kópjaqty yntymaq­tas­tyqty nyǵaıtý máselelerin talqylaý, sondaı-aq halyqaralyq jáne óńirlik kún tártibindegi máseleler boıynsha syndarly pikir almasý boldy. Sonymen qatar ártúrli salalardaǵy yntymaqtastyqtyń negizgi baǵyty talqylandy. Ásirese saýda-ekonomıkalyq jáne ınvestı­sııa­lyq yntymaqtastyqty damytýǵa, onyń ishinde energetıka, aýyl sharýashylyǵy, týrızm, kólik jáne logıstıka salalaryna erekshe nazar aýdaryldy.

Suhbat barysynda M.Nurtileý ekijaqty qatynastar damýynyń oń dınamıkasyn atap ótip, 2024 jylǵy arab elderimen yntymaqtastyqtyń negizgi qorytyndylaryn aıqyndap, aldaǵy jylǵa ortaq negizgi mindetterdi belgiledi.

Mınıstr elimizdiń arab memleket­te­rimen seriktestiginiń mańyzdylyǵyn atap, ortaq saıası, ekonomıkalyq jáne mádenı-gýmanıtarlyq baılanys­tar men múddelerge erekshe mán berdi. Sondaı-aq elshilerge ekijaqty qarym-qaty­nastardy damytýǵa qosqan úlesteri jáne Qazaqstan men arab álemi arasyndaǵy ynty­maqtastyqty nyǵaıtýdaǵy belsen­diligi úshin alǵys bildirdi.

«Qazaqstan óz seriktesterimen Taıaý Shyǵys pen Soltústik Afrıkada bar baılanystardy keńeıtýge jáne yntymaqtastyqtyń jańa baǵyttaryn zertteýge barlyq múmkindikti paıda­la­nýǵa daıyn jáne beıil», dep atap ótti M.Nurtileý.

Arab dıplomatııalyq mıssııa­la­rynyń basshylary Qazaqstannyń beıbitshilikti nyǵaıtý, turaqty damý ári qaýipsizdik máselelerin ilgeriletý jolyndaǵy róli men kúsh-jigerin, sonyń ishinde BUU, Islam yntymaqtastyǵy uıymy jáne basqa da halyqaralyq alańdar sheńberindegi bastamalaryn joǵary baǵalady. Arab dıplomattary elimizdiń syrtqy saıası vedomstvosymen tyǵyz yntymaqtastyqty jalǵastyrýǵa jáne elder men óńirler arasyndaǵy jan-jaqty baılanystardy keńeıtýge daıyndyqtaryn rastady.

Dostyq atmosferada ótken kezdesýdiń qory­tyndysy boıynsha taraptar turaq­ty dıalogti jalǵastyrýdy qoldap, birles­ken jobalar men mindetterdi iske asyrý jolynda umtylysty kúsheıtýge ýaǵdalasty.