Foto: Oqý-aǵartý mınıstrligi
IJSO halyqaralyq jaratylystaný-ǵylymı olımpıadasyna álemniń 60 elinen 360-tan astam oqýshy qatysqan. Oıy júırik oqýshylar fızıka, hımııa jáne bıologııa pánderi boıynsha bilimderin synady.
Qazaqstan quramasy sapynda Aızere Jeńishanova – О́skemen qalasyndaǵy HBN NZM-niń 10-synyp oqýshysy, Ádil Jıenbaev – Almaty qalasyndaǵy RFMM-niń 10-synyp oqýshysy, Anastasııa Ponomareva – Astana qalasyndaǵy RFMM-niń 9-synyp oqýshysy, Ábdijan Ibraımov – Astana qalasyndaǵy «NURORDA» mektep-lıseıiniń 9-synyp oqýshysy, Munar Saǵymbaı – Almaty qalasyndaǵy RFMM-niń 10-synyp oqýshysy, Álıhan Iskendir – Aqtóbe oblystyq daryndy balalarǵa arnalǵan «Bilim-ınnovasııa» lıseı-ınternatynyń 9-synyp oqýshysy boldy.
Aızere Jeńishanova men Ádil Jıenbaev IJSO -nyń kúmis júldesin enshilese, qalǵan 4 bilim alýshy qola júldeni Qazaqstan qorjynyna salyp 100 paıyz nátıje kórsetti.
Bilimpazdar tobyna Samat Muratbekuly Maqsutov – PhD doktory, SDU dosenti, Aıdos Bekzatuly Sársenbaı – Sh. Esenov atyndaǵy Kaspıı tehnologııalar jáne ınjınırıng ýnıversıtetiniń stýdenti, halyqaralyq jáne respýblıkalyq olımpıadalardyń jeńimpazy, Muhammedáli Ǵanıuly – SDU stýdenti, halyqaralyq jáne respýblıkalyq olımpıadalardyń jeńimpazy jetekshilik etken.
Aıta keteıik, IJSO - 15 jasqa deıingi mektep oqýshylaryna arnalǵan halyqaralyq ǵylymı saıys. Bul olımpıada 2004 jyldan beri ótkizilip keledi. 2023 jyly Bangkokta ótken jarysta Qazaqstan quramasynyń barlyq alty qatysýshysy júldeger atanǵan bolatyn. Bıyl da oqýshylar Astanada eki aptalyq oqý-jattyǵý jıyndarynan ótip, el namysyn abyroımen qorǵaı bildi.
