Qarmaqshydaǵy «Rýhanııat ortalyǵy»

Jyl sheńberinde barlyq aýdanda «Rýhanııat or­­talyqtarynyń» irgesi qa­la­nyp, Táýelsizdik kúni qar­sańynda Qarmaqshy aýdanynda osy or­ta­lyqtyń ashylý rásimi ótti. Jurt­­shylyqty jańa nysannyń ashylýymen quttyqtaǵan oblys ákimi Nur­lybek Nálibaev áleýmettik-ekonomıkalyq ba­ǵyttaǵy je­tistikterge toq­tal­dy.

«Búgin – ǵasyrlardyń únin jańǵyrtyp, halqymyzdyń qazynasyn eselegen Syr rýhanııaty úshin aıtýly kún. Eń aldymen, barshańyzdy myńjyldyqtardyń muraty, Alashtyń asqaq armany bolǵan Táýelsizdik kúnimen shyn jú­rekten quttyqtaımyn!

Bıylǵy «Rýhanııat jyly» aıasynda barlyq 7 aýdanda quny 11 mlrd 500 mln teńge bolatyn, ishinde neke qııý zaly, kitaphana, mýzeı, arhıv, jastar saraıy, ardagerler men analar úıi bar «Rýhanııat ortalyqtary» salyna bas­taǵanyn bilesizder. Osy arqyly túrli baǵytta qyzmet kórsetetin mekemelerdi bir ortalyqqa biriktirip, bıýdjet qarajatyn tıimdi basqarý, ákimshilik shyǵyndardy azaı­týǵa bolady. Jyl sońyna deıin taǵy 5 aýdanda «Rýhanııat ortalyǵy» jumysyn bas­taıdy. Qalǵan 2 ortalyq kelesi jyldyń naýryz aıynda el ıgiligine beriledi» , dedi oblys basshysy.

Jıynda belgili aqyn Shákızada Ábdikárimov aı­maq­tyń rýhanııat sala­syn­­daǵy aýqymdy jumys­tarǵa toqtalsa, memleket jáne qo­ǵam qaıratkeri Baq­bergen Dos­mambetov bata berdi. Saltanatty rásimde aýdan­nyń ósip-órkendeýi jolyn­da eńbek etken ardagerler men ortalyqty salǵan qury­lys­shylarǵa kóp aldynda qur­met kórsetildi.

Qyzylorda oblysy,

Qarmaqshy aýdany