Foto: Astana qalasy Baıqońyr aýdandyq ákimdiginiń baspasóz qyzmeti
Kópshiliktiń kóńilin sergitý sharasyna «Baıqońyr» aýdanynyń 100-den astam oqýshysy qatysty.
Alǵyr oqýshylardyń ýaqytyn qyzyqty ótkizýdi kózdegen sharada olarǵa arnap mýzykalyq tartýlar men táttiler taratyldy. Eń bastysy qys boıy oqýshylardyń serigine aınalatyn konkıler de oqýshylarǵa tegin úlestirildi.
Merekelik ashylýdan keıin balalar úshin belsendi oıyn-saýyq uıymdastyryldy. Aýdannyń bilim alýshylary estafetalyq oıyndar, konkı tebý, dopty hokkeı jáne qoqystardy suryptaý boıynsha synǵa túsip, ózara kil myqtydan kim myqtyny anyqtady.
Saıys jeńimpazdary da syılyqsyz qalmady. Úzdikterge túrli syılyqtar men táttiler tabystaldy.
Shara sońynda kelýshi qaýymǵa ystyq sýsyndar men baýyrsaqtar usynyldy.
Baıqońyr aýdanynda birshama qysqy demalys aımaqtary jumys jasap turǵanyn eske salamyz:
1.Jastar saraıynyń aýmaǵy
2. Atatúrk saıabaǵy
3. Qalamgerler alleıasy
4. Sellınnyı shaǵyn aýdany (Jubanov kóshesi,3)
5. О́ndiris turǵyn alaby / Aqbıdaı kóshesi
6. О́ndiris turǵyn alaby / Kemeńgeruly
7. О́ndiris turǵyn alaby / О́zen kóshesi
8. Kırpıchnyı turǵyn alaby / Chehov kóshesi
9. Kazgorodok turǵyn alaby / Dosmuhameduly kóshesi
10. Qoıandy saıajaı alqaby / EKSPO alańy
11. SMP / Kenshiler kóshesi
Aıta keteıik, aýdandaǵy qysqy serýen keńistikteri, syrǵanaqtar men muz aıdyndary qys bitkenshe turǵyndardyń ıgiligine qyzmet etpek.
