ASTANA. 17 maýsym. Qazaqstan Respýblıkasy Syrtqy ister mınıstri Erlan Ydyrysov Katar eliniń Syrtqy ister mınıstri Halıd ál-Atııamen kezdesti. Bul týraly «QazAqparat» habarlady.
Syrtqy ister mınıstri Erlan Ydyrysov: «Biz bul kelissózderge Investısııa jáne damý mınıstrliginiń, Aýyl sharýashylyǵy mınıstrliginiń jáne «Báıterek» ulttyq holdınginiń ókilderin shaqyrdyq. Menińshe, óte tushymdy talqylaý bolady. Onda bastysy – bıyl qazan aıynda Qazaqstan Respýblıkasy Prezıdentiniń Katar memleketine saparyn tynǵylyqty daıyndaý. Onda negizinen ekonomıkalyq salaǵa basymdyq beriledi», – dedi.
Sondaı-aq, Halıd ál-Atııa: «Bizdiń elder arasynda berik dostyq qatynastar ornatylǵan. Investısııalyq áriptestikti damytýǵa múddelilik bar. Bizdiń qarym-qatynastarǵa jańa serpin beretin jańa múmkindikter tabamyz dep oılaımyn», – dep atap ótti óz sózinde.
Talǵat Raıymbek.
Derek, sýret: «QazAqparat».
