Foto: istockphoto.com
Marqum balyqshynyń áıeli Natalıa kúıeýi men onyń serigi senbi, 14 jeltoqsan kúni tańǵy saǵat 4-te balyq aýlaýǵa ketkenin aıtty.
«Olar Shubarqudyq arqyly Vılge bet alǵan. Olar keshke úıge qaıtý kerek edi. Baılanysa almadym. Ekeýi de ishimdik ishpeıdi. Tótenshe jaǵdaılar mınıstrligine telefon soǵyp, polısııaǵa, eriktilerge aryz jazdym», dedi áıel Diapazon portalyna.
Eki kúnnen keıin balyqshylar kóligimen birge Kenjaly ózenine batyp ketkeni belgili boldy.
«Jedel izdestirý sharalarynyń nátıjesinde polıseıler 1971 jáne 2003 jyly týǵan eki er adamnyń máıitin tapty. Olar Temir aýdanyndaǵy Kenjaly ózenine batyp ketken. Súńgýirler máıitterdi kólikten alyp shyqty. Aldyn ala málimet boıynsha «Nıva» kóligi joǵary jyldamdyqpen kópirden ushyp ketip, ózenge qulaǵan», dep habarlady Aqtóbe oblystyq Polısııa departamentiniń baspasóz qyzmeti.
Atalǵan fakti boıynsha sotqa deıingi tergeý amaldary júrgizilip jatyr.
