Foto: Ashyq derekkóz
Nurlan Baıbazarov bul nátıjege 5,1%-ǵa ósim kórsetken munaıdan tys sektordyń negizgi úles qosqanyn atap ótti.
«Birqatar negizgi salalarda oń dınamıka atap ótildi. Máselen, ekonomıkanyń naqty sektoryndaǵy ósim 5%-dy qurady, al qyzmet kórsetý salasyndaǵy óndiris 4,5%-ǵa, aýyl sharýashylyǵynda – 13,4%-ǵa ósti, al qurylysta kórsetkishter 10,3%-ǵa artty. Sonymen qatar ekonomıkanyń basqa sektorlarynda kórsetkishterdiń turaqty ósýi baıqalady: saýda 8,2%-ǵa, kólik qyzmetteri – 8,1%-ǵa, óńdeý ónerkásibi – 5,3%-ǵa ulǵaıǵan. Jalpy alǵanda, JIО́ ósiminiń 70%-dan astamy saýda, óńdeý ónerkásibi, aýyl sharýashylyǵy jáne qurylys salasymen qamtamasyz etildi», delingen habarlamada.
Sondaı-aq Nurlan Baıbazarov negizgi kapıtalǵa salynǵan ınvestısııalardyń 3,1%-ǵa óskenin atap ótti, bul rette eń úlken ınvestısııa shıkizattyq emes salalarda tirkelgen. Atap aıtqanda, bilim berýde ınvestısııalar kólemi 2,2 esege, ǵylymı jáne tehnıkalyq qyzmette – 42,1%-ǵa, kólik salasynda – 27,2%-ǵa, al óńdeý ónerkásibinde – 18%-ǵa ósken.
«Bıylǵy qańtar-qazan aılarynda syrtqy saýda aınalymy $116,9 mlrd-ty qurady. Eksport $68,5 mlrd-qa jetti, onyń ishinde óńdelgen taýarlar eksporty – $23,3 mlrd. Taýarlar ımporty $48,4 mlrd-ty qurady. Saýdada oń balans 33,4%-ǵa deıin artyp, $20,1 mlrd-qa jetti», dedi vıse-premer.
