Sýretterde: 1. Kórmeni uıymdastyrýshylar Altynshoqydan tabylǵan Ámir Temirdiń tasqa qashatyp jazǵan jazýynyń kóshirmesiniń qasynda. 2. Joshyhannyń qubbasy
Qazirgi Qazaqstan Altyn Orda-nyń, ıaǵnı Joshy ulysynyń murageri ekeni jóninde el Prezıdenti Qasym-Jomart Toqaev únemi aıtyp keledi. Memleket basshysy Atyraý qalasynda ótken Ulttyq quryltaıda Joshy ulysynyń negizi qalanǵanyna 800 jyl tolǵanyna, onyń zor rámizdik máni ári Qazaqstannyń memlekettilik dástúrinde aıryqsha orny bar ekenine aıryqsha toqtalǵan bolatyn. Sondyqtan da, eski men jańanyń, keshe men búginniń baılanysyn búgingi urpaq bilýi kerek.
«Ulytaý» ulttyq tarıhı-mádenı jáne tabıǵı mýzeı-qoryǵynyń aýmaǵynda Altyn Orda dáýirine jatatyn 10-nan asa tarıhı eskertkish saqtalǵan. Olardyń qatarynda Joshy han, Bolǵan ana, Qulan ana, Aıaqqamyr (Qutlyq Temir), Talmas ata, Kelintam keseneleri, Edige mazary, Altynshoqy tóbesi, t.b. bar. Osy tarıhı oryndardan jınaqtalǵan jádigerlerdiń birshamasyn kórmege qoıdyq», deıdi «Ulytaý» ulttyq tarıhı-mádenı jáne tabıǵı mýzeı-qoryǵynyń dırektory Álibek Kúzerbaev.
Kórmege kelýshiler Joshy han kesenesiniń qubbasyn, Saraıshyq qalasynan tabylǵan ydys-aıaqtardy, ortaǵasyrlyq biregeı monetalardy, tarıhı kitaptardy, t.b. kóre alady.
Ár jádiger – bir tarıh. Aıtalyq, qubba degen ne? Muny ekiniń biri bile bermeıtini anyq. Qubba dep ıslam sáýletinde kúmbez nemese tóbesi kúmbezdi bolyp keletin qurylysty ataǵan eken. Joshy han qubbasy 1973 jyly tabylǵan. Kezinde keseneniń eń bıigine ornatylǵanǵa uqsaıdy, biraq keıin qulap, synyqtary jerge túsken. Ekspedısııa músheleri sol synyqtardy qurastyryp qalpyna keltirgen. Sol qubba kórmege kelýshilerdiń qyzyǵa qaraıtyn jádigerleriniń birine aınalyp tur.
Ulytaý oblysy
