Batys Qazaqstanda ındýstrııalyq aımaqtyń orny anyqtaldy

ORAL. 17 maýsym. Batys Qazaqstanda ınsdýstrııalandyrý aımaǵy ornalasatyn jer biraq ýaqyttan beri belgisiz bolyp keldi. Buǵan atalǵan másele óz sheshimin tapty. Bul týraly egemen.kz tilshisi habarlady. Bastapqyda bul maqsatta úsh nusqa usynyldy. Onyń birinshisi – Oral qalasynyń soltústik shyǵys bóligindegi Samara baǵyty tas joly aýmaǵy. Ekinshisi – Zelenov aýdanyndaǵy Berez aýyly mańy. Al úshinshisi – Terekti aýdanyndaǵy Poıma beketi aýmaǵy. Búgingi kelisim men uıǵarym sońǵy nusqaǵa arqa tiredi. «Bul tus eń tartymdy, perspektıvasy joǵary jer retinde erekshelenip tur. Sondaı-aq, osy mańda temir jol, aeroport jáne avtomobıl joly ornalasqan. Atalǵan faktorlar kólik-logıstıkasyn ornalastyrýǵa da tıimdi», – deıdi «Oral» áleýmettik kásipkerlik korporasııasynyń jetekshisi Erjan Baltaev. Indýstrııalyq aımaqty paıdalanýdyń birinshi kezeńinde 300 gektar jerdi ıgerý josparlanýda. Qazirdiń ózinde 5 túrik kompanııasy oǵan óndiristik jelilerin ótkizýge daıyn. Olardy ındýstrııalyq aımaqtyń Reseı naryǵyna jaqyndyǵy qyzyqtyryp otyr. О́ıtkeni, olar úshin Eýrazııalyq ekonomıkalyq odaq jaǵdaıyndaǵy ortaq jumysty ıgerý áldeqaıda tıimdi ekeni aıtpasa da túsinikti. Temir Qusaıyn. Derek, sýret: egemen.kz.