Foto: arasha.kz
Esirtkiniń zańsyz aınalymyna qarsy kúres zań jobasyna «kúshti zat» (tabıǵı, sıntetıkalyq jáne bıosıntetıkalyq shyǵý tegi) jańa uǵymy engizildi.
Endi esirtki bıznesin uıymdastyrýshylar men esirtki óndirýshilerge jaza qataıtylady. Soǵan saı osy qylmyspen aınalysqandarǵa 15 jyldan 20 jylǵa deıin nemese ómir boıyna bas bostandyǵynan aıyrý jazasy kózdelgen.
Al bilmeı alǵash ret esirtki tasymaldaǵandardyń jazasy jeńildetilmek. Senat depýtattary bul topqa jatatyn adamdardyń kóbine «narkobarondarǵa» eshqandaı qatysy bolmaıtynyn alǵa tartyp otyr.
Qylmystyq toppen nemese qyzmettik ókilettigin paıdalanyp jasalǵan esirtki, psıhotroptyq nemese sol tektes zattardy ótkizý maqsatynda zańsyz óndirýge burynǵydan qatań jaza taǵaıyndaldy. Bul úshin 15 jyldan 20 jylǵa deıin nemese ómir boıyna bas bostandyǵynan aıyrý jáne múlkin tárkileý jazasy qarastyrylǵan.
Qylmystyq toppen quramynda esirtki bar ósimdikterdi asa iri kólemde zańsyz ósirgeni úshin 7 jyldan 12 jylǵa deıin bas bostandyǵynan aıyrý jazasy engiziledi.
