- Halyqtyń densaýlyǵyn saqtaıtyn medısına qyzmetkerleriniń qyzmet barysynda, óz densaýlyǵyna qater tóndiretin oqıǵalary kóbeıip barady. Jaqynda ǵana Qostanaıdaǵy jedel járdem feldsherine shabýyl jasaldy. Shaqyrtýǵa kelgen jas qyzmetker - Anel Baımýrzına uryp-soǵý saldarynan alǵan jaraqattarynan aýrýhanaǵa tústi. Anel Baımýrzınanyń otbasyna óz tarapymnan qoldaý bildire otyryp, bul jaǵdaıdyń nazardan tys qalmaıtynyn jetkizemin, - dep jazǵan ol.
Mınıstr málimetinshe, shuǵyl medısına qyzmetkerleri adam ómiriniń asa qaýipti kezeńinde kómekke keletin jáne óz ómiriniń qaterine de mán berýge múmkindigi bola bermeıtin qyzmetkerler sanatyna jatady.
Jergilikti atqarýshy organdardyń derekterine sáıkes 2019-2023 jyldar aralyǵynda elimizde qyzmettik mindetterin atqarý kezeńinde 158 medısına qyzmetkerleri zardap shekken. Onyń ishinde
- Medısına qyzmetkerleriniń qyzmettik boryshyn oryndaýy barysynda, olarǵa jasalǵan shabýyl, zorlyq-zombylyq áreketteri úshin qylmystyq jaýaptylyqty engizýge baılanysty depýtattardyń qoldaýyna súıendik. Mundaı áreketter erkindikti shekteýge jáne qoǵamnyń aıyptaýyna deıingi ádil jazasyn alýǵa tıis. Dárigerler men meıirgerler, bul - Sizdiń densaýlyǵyńyzǵa kúndelikti qamqorlyq jasaıtyn, ýaqytpen, jeke ómirimen jáne qıyn jaǵdaılarmen sanaspaı kómekke keletin jandar. Densaýlyq saqtaý mınıstrligi óz ómirin qaterge tigip, basqalardyń ómirin saqtap qalatyn medısına qyzmetkerleriniń qaısarlyǵy men batyldyǵyn atap ótetin bolady. Áriptesterimniń óz mamandyǵyna adaldyǵy qoǵamǵa keńinen tanylyp, bárimizge úlgi bolýǵa tıis, - dep qorytyndylady ol.
Eske salaıyq, 19 jeltoqsanda Qostanaıda naýqas áıeldiń týystary qońyraýǵa kelgen jedel járdem feldsherin soqqyǵa jyqqany belgili boldy. Zardap shekken Anel Baımýrzına tórt jyldan beri jedel járdem stansııasynda jumys isteıdi. Ony aıaq-qolymen uryp-soqqan. Ekinshi feldsher men júrgizýshi áıelderdi ajyratpaq bolǵan. Anel qazir mıy shaıqalyp, ishi jaraqat alyp, aýrýhanada jatyr.
