Foto: Ashyq derekkóz
Atalǵan ózgeristerdegi basty jańalyq - keler jyldyń 1 shildesinen bastap elimizde derbes kassasııalyq sottar qyzmet etedi.
Qazaqstanda engizilip jatqan kassasııalyq sottar – sot júıesin jańǵyrtýǵa arnalǵan jańa saty. Olardyń negizgi mindeti – ádildikti qamtamasyz etý, qatelikter men zań buzýshylyqtardyń aldyn alý, sondaı-aq apellıasııalyq sottardyń sheshimderin qaıta qaraý múmkindigin usyný.
Kassasııalyq sottar - bul tómengi sottardyń zańdy kúshine engen sheshimderine shaǵymdar boıynsha isterdi qaraıtyn sot organdary. Olardyń negizgi mindeti - birinshi jáne apellıasııalyq satydaǵy sýdıalar qabyldaǵan sot sheshimderiniń zańdylyǵy men durystyǵyn tekserý.
Jańa kassasııalyq sottardyń sýdıalary qyzmettegi bilikti sýdıalar arasynan irikteledi. Kassasııalyq sotta jumys isteýge tańdalatyn sýdıalardyń zańgerlik ótili keminde 18 jyl, al sýdıalyq ótili keminde 8 jyl bolýy shart. Tóraǵalar úshin keminde sýdıalyq ótildiń keminde 10 jyl bolýy, onyń ishinde oblystyq sottyń sýdıasy laýazymyndaǵy jumys ótili 5 jyldan kem bolmaýy basty shart retinde bekitilip otyr.
Búgingi tańda qoǵamnyń quqyqtyq saýattylyǵyn arttyrý, sot júıesindegi tyń ózgerister týraly habardar etý maqsatynda áskerı sottardyń sýdıalary men sot qyzmetkerleri kassasııalyq sottardyń qyzmetine qatysty aqparattyq, túsindirý jumystaryn júrgizip jatyr.
A. ADENOV,
QR Sot ákimshiligi Áskerı soty departamentiniń
Ishki qaýipsizdik bóliminiń bas mamany
