Egemen Qazaqstan • 24 Jeltoqsan, 2024

«Assyltas» stıpendııasy – áriptesterimizde

80 ret

kórsetildi

1 mın

oqý úshin

Almatyda «Assyltas» qoǵamdyq qorynyń jyl qorytyndysy shyǵarylyp, úzdikter marapattaldy. Atalǵan qor keıingi jyldary qoǵamdyq mańyzy bar tórt salany tańdap, halyqtyń daýys berýi hám qazylardyń tańdaýymen júırikterdi irikteýdi dástúrge aınaldyrǵan.

Jánibek ÁLIMAN

«Assyltas» stıpendııasy – áriptesterimizde

Bıylǵy tórt atalym boıynsha marapattalǵan jeńimpazdar arasynda «egemendik» eki áriptesimiz qatarynan qara úzip, ozyq shyqty.

Osy, 2024 jyly, «Assyltas» qoǵamdyq qory bilim, óner, sport jáne mádenıet salalaryn qoldaýǵa 1 mıllıon dollardan astam qarajat jumsapty. Bıyl Ádebıet atalymy boıynsha «Assyltas» stıpendııasynyń ıegeri 2024 jyly jaryq kórgen «Aǵyraptaǵy aty joq adam» kitabynyń avtory, gazetimizdiń Saıasat jáne quqyq bóliminiń aǵa tilshisi, jazýshy Qanat Ábilqaıyr boldy. Al Jýrnalıstıka atalymynda gazetimizdiń aǵa tilshisi Marjan Ábish «Assyltas» stıpendııasynyń ıegeri atandy. Ǵylym men sport atalymdary boıynsha Nurhat Jaqıev pen Abıba Ábýjaqynova laıyqty dep tanyldy. Ár jeńimpazǵa 1 500 000 teńge kólemindegi stıpendııa tabystaldy.