Foto: Kollaj: Ulysmedia
«Stıpendııa ıegerleriniń 136-sy – magıstratýra, 8-i doktorantýrada oqıdy. Sondaı-aq 127 azamat álemniń eń úzdik ýnıversıtetteri men ortalyqtarynda taǵylymdamadan ótedi. Komıssııa músheleri basymdyq berilip otyrǵan mamandyqtarǵa erekshe nazar aýdardy. Iаǵnı stıpendııa ıegerleriniń 65 paıyzy – jaratylystaný-tehnıkalyq, al 35 paıyzy áleýmettik-gýmanıtarlyq baǵyttar boıynsha bilimin jetildiredi», delingen habarlamada.
Sonymen qatar 170 azamat sheteldiń jetekshi ǵylymı-zertteý ortalyqtarynda ǵylymı taǵylymdamadan ótýge stıpendııa alǵan.
Erlan Qarın bıyl ótken jylǵa qaraǵanda taǵylymdamadan ótýge eki ese, ınjenerlik-tehnıkalyq mamandyqtar baǵytyna alty ese kóp ótinish túskenin atap ótti. Bul Memleket basshysynyń ınjenerlik-tehnıkalyq bilim berýdi damytýǵa jáne qoldaýǵa baǵyttalǵan bastamasynyń ózekti ári zaman talabyna saı ekenin kórsetedi.
