foto: istockphoto.com
Ortalyq ÚEU, qoǵam belsendileri men Jumysshy mamandyqtar jylyn laıyqty ótkizýge nemquraıly qaramaıtyn azamattar úshin ortaq alańǵa aınalmaq. Qor bul úshin adalenbek.kz arnaıy saıtyn jasaıdy. Saıtta eldegi eńbek adamdaryn qoldaýǵa arnalǵan qoǵamdyq is-sharalardyń ınteraktıvti Kartasy jasaqtalady. Qor osy rette, aqparatty bir resýrsta jınaý úshin úkimettik emes uıymdardy óz bastamalary týraly aqparat bólisýge shaqyrady. Bul kez kelgen qazaqstandyq úshin yńǵaıly bolmaq, ıaǵnı bir saıtqa kirip, ótetin is-sharalar týraly aqparat alyp, qatysýǵa múmkindik beredi.
Sondaı aq, «Ádildik jáne órkendeý» qory Jumysshy mamandyqtar jyly aıasynda birqatar tól bastamany júzege asyrady.
Solardyń biri, «Eńbek dańqy» onlaın-kitaby.
«Bul adal eńbekpen otbasyn asyrap, el ekonomıkasyn eseleýge úles qosyp júrgen jaqyndarymyzdyń esimi jazylatyn estelik kitabyna aınalady. «Eńbek dańqy» onlaın-kitabyna kez kelgen qazaqstandyq laıyqty degen jandy qosa alady. Bul kitap ta adalenbek.kz arnaıy portalyna júkteledi», dep habarlady qordyń baspasóz qyzmeti.
Sondaı aq, Qor jýrnalıster men blogerler arasynda «Eńbek adamy týraly eń úzdik materıalǵa» baıqaý jarııalaıdy. Konkýrsqa jýrnalıster men keminde 3 myń jazylýshysy bar blogerler qatysa alady. Jumystar túrli janrda, birneshe nomınasııa boıynsha qabyldanady. Kelip túsken jumystardy quramynda bedeldi medıa mamandar men qor ókilderi kiretin qazylar alqasy baǵalaıdy. Alǵashqy jeńimpazdar Jýrnalıster kúnine oraı marapattalady. Al, 2025 jyldyń sońynda jalpy qorytyndysy shyǵarylady.
«Bul bastamalardyń ishinde erekshe oryn alatyny – «Eńbek dańqy» kitaby jobasy. Barlyq qazaqstandyqty óz jaqyndarynyń eńbek joly týraly estelikterin bólisýge shaqyramyz. Jumysshy mamandyqtar jyly - bul eńbekpen kelgen nannyń tátti bolatynyna, qoǵamnyń damýy úshin adal eńbektiń mańyzdylyǵyna erekshe ekpin túsiretin ýaqyt. Bul bastamalardy búkil qoǵam bolyp qoldap, júzege asyrýǵa belsendi qatyssa deımiz. Bizdiń maqsatymyz - ÚEU, belsendiler men barlyq múddeli azamattardyń kúsh-jigerin biriktirý, eńbek adamynyń bedelin nyǵaıtý jáne áleýmettik ádildik qundylyqtaryn ilgeriletý. Elimizde Jumysshy mamandyqtar jylyn ótkizýdi qoǵamdyq qoldaý Ortalyǵy kúshimiz ben únimizdi biriktiretin platformaǵa aınalady dep senemiz. Biz birige otyryp, eńbek adamynyń eldiń bolashaǵy men órkendeýiniń qýatty negizi bolatynyn kórsetemiz!», dedi Qor dırektory Dana Rysmuhamedova baspasóz máslıhatynda.
Aıta keteıik, «Ádildik jáne órkendeý» qoǵamdyq qory – jańa úlgidegi úkimettik emes uıym. Qor belsendi azamattyq ustanymy bar, Ádiletti Qazaqstan qurýǵa úles qosqysy keletin qazaqstandyqtardy biriktiredi. 20 óńirde ókildigi men 8000 astam jaqtasy bar. Qor óz jumysynda qoǵamdyq baqylaý men áleýmettik monıtorıngke erekshe basymdyq beredi.
