Foto: TJM
Qazir oqıǵa ornynda ushaqtyń konstrýksııalaryn bólshekteý jumystary jalǵasyp jatyr. Oqıǵa saldaryn joıý úshin 306 adam, 101 birlik tehnıka, 2 áýe kemesi jáne 6 kınologııalyq eseptop jumyldyrylǵan. Osy baǵyttaǵy jumystarǵa Tótenshe jaǵdaılar, Ishki ister, Qorǵanys mınıstrlikteriniń, Ulttyq ulannyń, memlekettik emes órtke qarsy qyzmettiń, Apattar medısınasy ortalyǵynyń, jedel medısınalyq kómek brıgadasynyń jáne jergilikti atqarýshy organdardyń, sondaı-aq Ázerbaıjan TJM qyzmetkerleri tartylǵan.
QR TJM Apattar medısınasy ortalyǵynyń brıgadalary ushaq apatqa ushyraǵan jerde avarııalyq-qutqarý jumystaryn medısınalyq em-dom júrgizip jatyr. Apattar medısınasy ortalyǵynyń psıhologtary Aqtaý qalasyna kelgen týystaryna psıhologııalyq kómek kórsetip júr.
Keshe avarııalyq-qutqarý jumystaryn júrgizý nátıjesinde Aqtaý qalasynyń medısınalyq mekemelerine 29 adam, onyń ishinde 3 kámeletke tolmaǵan bala qutqarylyp, aýrýhanaǵa jatqyzyldy.
Oqıǵa ornynan 38 máıit tabyldy, olar medısınalyq saraptama ortalyǵyna jetkizildi, Marqumdardyń arasynda Qazaqstannyń alty azamaty men úsh ekıpaj múshesi bar. Taǵy jeti adamnyń denesi anyqtaldy. Sonymen qatar keshe izdeý tobynyń nátıjesinde TJM qutqarýshylary qara jáshikti tapty. Oqıǵa ornynda táýlik boıy kezekshilik uıymdastyrylǵan.
Qazirgi ýaqytta Aqtaý qalasynda apattyń sebepterin tergeý jónindegi Úkimettik komıssııa jumys istep jatyr.
Keshe iske qosylǵan jedel jeli telefondaryna shuǵyl psıhologııalyq kómek jáne aqparattyq sıpattaǵy 1063 ótinish túsken.
