Tergeý organdary 2 naýqastyń jeke basyn anyqtaý boıynsha jumys júrgizdi, olardyń bireýi Ázerbaıjan azamaty ekeni anyqtaldy. Sondaı-aq sanıtarlyq avıasııa jelisi boıynsha Astana qalasynan Ulttyq shuǵyl medısına úılestirý ortalyǵynyń jáne jetekshi respýblıkalyq ortalyqtardyń joǵary bilikti mamandary keldi.
Joǵaryda atalǵan mamandardan basqa, Ázerbaıjan Respýblıkasynyń Densaýlyq saqtaý mınıstrligi men TJM arnaıy keńesi, sanavıasııa brıgadasy keldi.
Barlyq zardap shekken naýqastarǵa tekserý jumysy júrgizildi. Sondaı-aq zardap shekkendermen jáne olardyń týystarymen psıhologtar toby jumys istep jatyr.
Búgin tańerteń Aqtaý ýaqytymen saǵat 08:30-da Reseı Federasııasynyń TJM ortalyq apparatynyń sanıtarlyq avıasııa bortynda Reseı Federasııasynyń azamattary evakýasııalandy.
Qazirgi ýaqytta aýrýhanada 20 naýqas dárigerlerdiń baqylaýynda jatyr: 6 naýqas - jansaqtaý bóliminde: 5 naýqas - oblystyq aýrýhanada, 1 naýqas - Mańǵystaý oblystyq balalar aýrýhanasynyń jansaqtaý bóliminde. Mańǵystaý oblystyq aýrýhanasynan 2 pasıent travmatologııa bólimshesine aýystyryldy.
