Aıta keteıik, bul – «Saq stıli» serııasy aıasynda shyqqan úshinshi banknot. Jańa jáne eski úlgidegi banknottardyń aınalymda qatar júrý kezeńi 2025 jyldyń 25 jeltoqsanynan 2026 jyldyń 24 maýsymyna deıingi aralyqty qamtıdy.
Shyńdaǵy elektr stansasy
Qytaıda shyńǵa kún elektr stansasy salyndy. Ol teńiz deńgeıinen 5 240 metr bıikte tur. Qurylysshylar taý basyna 200 myńnan astam panel shyǵaryp bekitken.
Aýmaǵy 177 fýtbol alańyndaı bolatyn stansanyń qýaty 52 myń halqy bar aýyldy jyl boıy turaqty jaryqpen qamtamasyz ete alady. Joba Tıbet avtonomdyq okrýginde iske qosyldy. «Eń qıyny – temperatýra óte sýyq. Jylyna 158 mıllıon kılovat saǵat energııa óndiriledi. Bul bir jylda 47 myń tonnadan astam kómir únemdeýge múmkindik beredi. Bul – úlken bıiktikte júzege asqan birinshi joba», dedi kún elektr stansasynyń joba jetekshisi Van Chjanpın.
Erekshe kafe
Ońtústik Koreıada erekshe kafe ashyldy. Ereksheligi sol, dámhananyń terezesinen qarasań, jyl boıy jańbyr jaýyp turǵandaı áser qaldyrady.
Kelýshiler ystyq kofe iship, tereze aldynda kórpege oranyp demalady nemese tegin beriletin plash pen qolshatyrdy paıdalanyp, ishki aýlada jyly jańbyrdyń astynda serýendeı alady. Kafe atmosferasy demalýǵa, jaıly ýaqyt ótkizýge arnalǵan, al jasandy jańbyrdyń sıqyry kelýshilerdi tánti etedi.
