Áleýmettik ádildikti ornatý – basty mindet

Bul zańdar elimizdiń saıası jáne ornyqty áleýmettik-ekono­mıka­lyq damýyn qamtamasyz etýge baǵyt­talǵan. Sonymen qatar mem­leketti­ligimizdi nyǵaıtý, qoǵam­nyń osal toptaryn qorǵaý, el ekono­mıkasyn, onyń qaýipsizdigi men halyqaralyq bedelin arttyrý sııaqty kóptegen mańyzdy sala qamtyldy.

Atap aıtqanda, otandyq ǵyly­mı júıeni jetildirýdi, sondaı-aq ǵylymı-tehnıkalyq jáne ın­no­vasııalyq qyzmetti tıimdi úıles­tirýdi kózdeıtin Ǵylym jáne tehnologııalyq saıasat týraly zań qabyldandy.

Memleket basshysynyń tapsyrmasymen memlekettik satyp alýdyń ashyqtyǵyn arttyrýǵa, osy saladaǵy sybaılas jem­qor­lyqty boldyrmaýǵa arnalǵan «Memlekettik satyp alý týraly» arnaıy zań bekitildi.

Adam saýdasyna qarsy is-qımyl­­dyń quqyqtyq negizderi men tıim­diligin arttyrýǵa, adam saý­dasy qurbandarynyń múdde­lerin qorǵaýǵa arnalǵan zań da bar.

Jylý energetıkasy salasyn­daǵy kúrdeli ınfraqurylymdyq máselelerdi sheshýdi kózdeıtin derbes jańa zań kúshine endi.

Sonymen qatar Prezıdent Qasym-Jomart Toqaevtyń bastam­asymen áıelder men bala­lar­dyń quqyqtaryn qor­ǵaý­dy kúsheıtetin normalar qabyl­dandy. Bul – memle­ket­tiń áleýmettik ádiletti­likti qamta­masyz etýge baǵyttalǵan ustany­my­nyń aıqyn kórsetkishi.

Sondaı-aq ekonomıka, mem­lekettik basqarý, halyqty áleý­mettik qamsyzdandyrý jáne ózge de salalarǵa qatysty mańyzdy zańdarmen jumys istedik.

О́tken aıda elimizdiń basty qarjylyq qujaty – úsh jyl­ǵa arnalǵan respýblıkalyq bıýd­jet­ti bekittik. Keshegi sońǵy oty­rys­ta Ákimshilik quqyq buzý­shylyq týraly zańnamany odan ári je­til­­dirýge baǵyttalǵan kólem­di túzetýler toptamasyn qaradyq.

Bul rette depýtattardyń zań shyǵarýǵa bastamashy bolyp, bel­sendilik tanytqanyn atap ótken jón. Zań shyǵarý qyz­meti­­­men qatar Senattyń turaq­ty komı­­­tet­teri palata josparyna sáı­kes birqatar mańyz­dy is-shara uıym­­dastyrdy. Azyq-tú­lik qaýip­­sizdigi jáne Ekonomı­ka­nyń óńdeýshi sektoryn damytý máse­­lelerin talqyǵa salyp, eki par­la­menttik tyńdaý ótkiz­dik. Senatta Demografııalyq ósý máse­lesine qatysty Úkimet saǵaty jáne 150-den asa dóńgelek ústel men kóshpeli otyrystar uıymdastyryldy.

Mańyzdy máseleler boıynsha Úkimetke 180-ge jýyq depýtattyq saýal joldandy. Solardyń ishin­de halyqty alańdatqan ózekti máse­leler boıynsha saýaldarǵa Úkimet músheleriniń aýyzsha jaýaptary tyńdaldy.

Senat janyndaǵy konsýl­ta­tıvtik-keńesshi organdar da bir­qatar mańyzdy shara ótki­zip, «Bir el – bir múdde» jáne «О́ńir» depýtattyq toptary, Más­lıhat­tarmen ózara is-qımyl jónin­degi jáne Inklıýzııa jónindegi keńester jalpy sany 13 otyrys uıymdastyrdy.

Ornyqty damý salasyndaǵy ulttyq maqsattar men mindet­terdiń iske asyrylýyna monıto­rıng júrgizý jónindegi Parla­ment­tik komıssııanyń bes otyrysy nátıjeli ótti. Senattyń halyq­aralyq qyzmeti de mazmundy sharalarmen erekshelendi.

Jalpy, bıyl atqarylǵan aýqymdy jumys úshin barsha árip­tesime, Senat apparatyna rıza­shylyǵymdy bildirip, alǵys aıtamyn. Sondaı-aq palata qyz­metin halyqqa jetkizý jolyn­daǵy belsendi jumystary úshin buqaralyq aqparat qural­darynyń ókilderine raqmet aıtamyn.

Jyl aıaqtalǵanymen, depý­tat­tyq qyzmetimiz jalǵasa bermek. Búginnen bastap senatorlar óńirlerge saparǵa shyǵyp jatyr. Sapar barysynda turǵyndardy alańdatqan ózekti máselelerge basa mán berýimiz kerek. Halyqqa qabyldanǵan zańdardyń mańyzyn keńinen túsindirgen jón.

Sonymen qatar keler jyly Senat Memleket basshysynyń tapsyrmasyna sáıkes ázirlengen jańa Bıýdjet, Salyq, Sý, Qury­lys kodeks­­terin qaraıdy. Bul qujat­tar­­dyń elimiz úshin mańyzdy ekenin eskere otyryp, olardy óte mu­qııat pysyqtaýymyz qajet. Osy jáne basqa da baǵyttaǵy jumys­tarymyz tabysty bolaryna senemin.

Máýlen ÁShIMBAEV,

Senat tóraǵasy