О́tip bara jatqan jyldaǵy eń jaǵymdy jańalyq – Atyraý oblysyndaǵy polıetılen zaýytyn qarjylandyrý máselesiniń sheshilýi. Bul óte iri, kemi 1 000 adamdy jumyspen qamtamasyz etetin, jylyna 1,25 mln tonna polıetılen óndiretin zaýyt bolmaq. Joba júzege asqanda ishki jalpy ónim kórsetkishiniń 1,2%-ǵa ósýine yqpal etpek. Jobaǵa 7,4 mlrd dollar ınvestısııa tartylǵan. Jobany «Silleno» kompanııasy júzege asyrady. Kompanııa aksıonerleri – «QazMunaıGaz» UK» AQ (40%), «Sinopec Overseas Investment Holding» (30%) jáne «Sıbýr Holdıng» JAQ (30%). Joba aksıonerler qarajaty men halyqaralyq bankterden alynǵan nesıe esebinen qarjylandyrylady. Zaýyt qurylysy 2029 jyly aıaqtalýǵa tıis.
Kásiporynnyń iske qosylýy ımporttalatyn polıetılen kólemin otandyq ónimmen almastyrý jáne qosylǵan quny joǵary ónim eksportyn ulǵaıtýǵa jol ashady. Geologııalyq barlaý segmentinde de biraz jańalyq bar. «QazMunaıGaz» bıyldan bastap otandyq ınvestorlarmen birge ken oryndarynda tereń qabatta barlaý jumystaryn júrgizýdi josparlap otyr.
Álemdik deńgeıdegi munaı tabysynyń 2%-y bizdiń eldiń úlesinde. Salyq túsimderiniń 40%-y munaı-gaz sektorynan túsip jatyr. OPEK-ke múshe el retinde munaı óndirý nemese barlaý jumystaryn múmkindiginshe shekteýge tyrysamyz.
Gaz óndirý segmentinde jańa formýla – yntalandyrý formýlasy iske qosyldy. Endi gaz óńdeıtin zaýyttar kemi óz ónimderin 120 dollarmen eksporttaı alady. Buryn onyń mólsheri 30-40 dollar bolatyn. 2025 jyl munaı-gaz sektoryndaǵy jańa múmkindikterge jol ashatynyna senemin.
