Foto: kazgazeta.kz
Onyń ishinde baǵdarlamalyq-nysanaly qarjylandyrýǵa – 211 mlrd teńge, granttyq qarjylandyrý prosesine – 198 mlrd teńge, kommersııalandyrýdy granttyq qarjylandyrýǵa – 67,9 mlrd teńge baǵyttalady.
Bıyl ǵylymı qyzmetkerler sany 25,4 myń adamǵa jetken. Bul kórsetkish ótken jylmen salystyrǵanda 13 paıyzǵa kóp.
Jastardy ǵylymǵa tartý maqsatynda Ǵylym jáne joǵary bilim mınıstrligi men «Otbasy banki» AQ arasynda jas ǵalymdarǵa 2023-2027 jyldarǵa arnalǵan jeńildetilgen nesıe berý baǵdarlamasy boıynsha yntymaqtastyq týraly kelisimge qol qoıyldy. «Otbasy banki» AQ kelisim sheńberinde 2023 jylǵy 1 jeltoqsanda jas ǵalymdarǵa arnalǵan ıpotekalyq nesıe berý baǵdarlamasyn iske qosty.
Nesıeniń eń kóp somasy - 20 mln teńge, qaryz merzimi – 19 jyl. 2024 jyldyń 8 aıynyń qorytyndysy boıynsha jas ǵalymdarǵa 290 páter berilgen. Bul olardy Qazaqstanda qalýǵa ári elimizde ǵylymdy damytýǵa qosymsha yntalandyrady. Taǵy 20 jas ǵalymǵa óteýsiz negizde páter kilti tabystalǵan.
2023 jyly 809 ǵalymǵa álemniń jetekshi ortalyqtarynda ǵylymı taǵylymdamadan ótýge granttar usynylǵan. Qazirgi ýaqytta Respýblıkalyq komıssııanyń ekinshi otyrysynyń qorytyndysy boıynsha 80 úmitkerdiń ǵylymı taǵylymdamadan ótýi maquldandy.
Ǵylymı kadrlardy (PhD doktorlaryn) daıarlaýǵa da erekshe kóńil bólinip, doktorantýraǵa memlekettik tapsyrys 1,9 myń orynǵa deıin ulǵaıtylǵan.
