Sýret: kt.kz
Qujat Úkimet rezervinen Ulytaý oblysynyń bıýdjetine maqsatty transfertter túrinde aýdarý úshin 1,5 mlrd teńge kóleminde qarajat bólýdi kózdeıdi. Qarjylandyrý «Jezqazǵan qalasynyń TM11 jylý jelilerin rekonstrýksııalaý men jańǵyrtý» jobasynyń 2-shi kezegin iske asyrýǵa baǵyttalady.
Ulytaý oblysyndaǵy jylýmen jabdyqtaý jelileriniń jalpy uzyndyǵy 639 shaqyrymdy quraıdy. Sonymen qatar búginde tozý deńgeıi – 58%. Jelilerdiń negizgi bóligi 1951 jyldan bastap paıdalanýǵa berildi.
Jezqazǵanda jelilerdiń tozýy 60%-ǵa jýyqtaıdy. 89 myń turǵyny bar qalany jylýmen jabdyqtaýdy JEO qamtamasyz etedi. Qalalyq jylý jelileriniń uzyndyǵy 398 shaqyrymdy quraıdy.
Jezqazǵan qalasyn jylýmen qamtý jaǵdaıyn jaqsartý úshin oblys ákimdigi jylý jelilerin rekonstrýksııalaý jáne jańǵyrtý jobasyna túzetýler engizdi. Nátıjesinde, búgingi tańda 5 iske qosý kesheniniń 5-shi kezeńin aıaqtaý úshin 1,5 mlrd teńge qajet.
Úkimet rezervinen bólingen bul qarajat 2024–2025 jyldardaǵy jylytý maýsymynyń irkilissiz ótýin qamtamasyz etýge baǵyttalǵan.
