Sýret: aa.com.tr
Respýblıkalyq keńeske qatysýshylarǵa, ıaǵnı, qarjy ınstıtýttarynyń, ekinshi deńgeıli bankterdiń, barlyq óńir ákimdikteriniń, iri kvazımemlekettik kompanııalardyń basshylaryna, SIM Investısııalar komıtetiniń tóraǵasy Ǵabıdolla Ospanqulov Ulttyq sıfrlyq ınvestısııalyq platformany tanystyrdy. Bul platforma ınvestorlardyń, memlekettik organdardyń jáne kvazımemlekettik sektordyń ózara is-qımylyna arnalǵan «Biryńǵaı tereze» bolyp sanalady. Júıede elimizdiń ınvestısııalyq saıasatynyń tolyq beınesin qalyptastyrý úshin barlyq qatysýshy arasynda qajetti aqparat almasý úderisi avtomattandyrylǵan. Búgingi tańda platforma pýlynda 836 joba bar, onyń 60-y «jasyl dáliz» aıasynda júzege asyrylýda.
Sondaı-aq keńeste ındýstrııalyq saladaǵy jáne aýyl sharýashylyǵyndaǵy ınvestısııalyq jobalardyń iske asyrylýy týraly aqparat berildi. Atap aıtqanda, 2024 jyly jalpy somasy 1,3 trln teńgege 180-ge jýyq jańa ónerkásiptik óndiris iske qosylyp, shamamen 14,4 myń jumys orny quryldy. Salalarǵa shaqqanda, ınvestısııa kólemi 196,3 mlrd teńgeni quraıtyn 34 jobamen qurylys materıaldary óndirisi, 110,7 mlrd teńgeni quraıtyn 33 jobamen tamaq ónerkásibi, 92,9 mlrd teńgeni quraıtyn 32 jobamen mashına jasaý salasy kósh bastap tur. О́ńirlerge shaqqanda, ınvestısııanyń eń kóp kólemi Almaty (315,9 mlrd teńge somasyndaǵy 15 joba), Aqtóbe (200,4 mlrd teńgelik 5 joba), Jambyl (175,5 mlrd teńgelik 13 joba) jáne Qostanaı oblystaryna (152,7 mlrd teńgelik 13 joba) tıesili. Eń irilerin aıtsaq, Qostanaı oblysyndaǵy «KamLitKZ» JShS júk avtomobılderiniń quramdas bólikteri, Qaraǵandy oblysyndaǵy «Kyzyl Aray» JShS katodtyq mys, Almaty oblysyndaǵy «Jetisý Volframy» JShS «Buǵyty» volfram ken oryndaryn ónerkásiptik ıgerý. Aýyl sharýashylyǵynda 11 aıdaǵy qorytyndy boıynsha 250 mlrd teńgege 258 ınvestısııalyq joba iske asyryldy. Bular Pavlodar oblysyndaǵy 1800 basqa arnalǵan «Kronos-Pavlodar» taýarly-sút fermasynyń qurylysy, Jambyl oblysyndaǵy 30 mln jumyrtqaǵa arnalǵan «Alel agro» qus fabrıkasyna arnalǵan ınkýbator, Aqmola oblysyndaǵy qýaty 3,3 myń tonna «IL-TOV» jartylaı fabrıkattar óndirisi, Mańǵystaý oblysyndaǵy 40 myń tonna «Aqtaý KTO» kókónis qoımasy jáne basqalary.
«Ulttyq ekonomıka mınıstrligi kelesi jyly ekonomıkanyń naqty sektoryn damytýǵa basa nazar aýdarady. Bul salyqtan túsetin, IJО́-ge qosymsha úles qosatyn jáne balamasy joq tabys. Jergilikti atqarýshy organdar sońǵy jyldary jetkilikti bıýdjettik derbestikke ıe boldy. Biz bıznesti jáne naqty jobalardy qoldaýǵa arnalǵan erkin qarajatty usynamyz. О́z óndirisimizdi damytýymyz kerek. Investısııalyq jobalardyń ulttyq pýlyna salynǵan barlyq joba men jol kartasy ákimderdiń reıtıngindegi №1 tarmaqqa aınalýǵa tıis. Bul ári úlken ekonomıka, qazirgi kezde bizge qajet qarapaıym zattardyń da ekonomıkasy. Ulttyq ekonomıka mınıstrligi jaqyn arada aınalysatyn másele de osy», dep atap ótti keńesti qorytyndylaı kele S.Jumanǵarın.
Sol kúni vıse-premer – Ulttyq ekonomıka mınıstri «Qarmet» AQ, «Saran» ındýstrııalyq aımaǵy, «Saryarqa» AEA kásiporyndarynyń óndirisimen jáne odan arǵy damý josparlarymen tanysty. «Saran» aýmaǵynda qazaqstandyq «QazTechna» kásiporny avtobýstar men arnaıy tehnıkany, «Tengri Tyres» avtomobıl shınalaryn, «Silk Road Electronics» JShS turmystyq tehnıka óndirisin jolǵa qoıyp otyr. Jaqynda ǵana «Silk RoadElectronics» JShS Samsung Electronics kompanııasymen premıýmdy qosa alǵanda, Samsung teledıdarlarynyń ózekti jelisin shyǵarý týraly kelisimge qol qoıdy. «Saran» aýmaǵynda 2,5 myńnan astam jumys ornyn qurý arqyly 109,7 mlrd teńge somasyndaǵy taǵy alty iri jobany iske asyrý josparlanýda.
«Saryarqa» AEA aýmaǵynda Serik Jumanǵarın kremnıı klasterin qurý jobasynyń damý qarqynyn tejeıtin ózekti problemalarǵa qulaq saldy. Bıznes kótergen barlyq másele ony sheshýge aldaǵy ýaqytta járdemdesý úshin baqylaýǵa alyndy.
