Foto: pixabay.com
Kompanııa 2025 jylǵy 1 qańtardan bastap 2019 jylǵy 30 jeltoqsanda «Gazprom» men «Ýkraınanyń Naftogazy» arasyndaǵy kórshi eldiń aýmaǵy arqyly Reseı gazyn tasymaldaýdy uıymdastyrýǵa qol qoıylǵan kelisimniń jáne eki eldiń GTS operatorlary - «Gazprom» men «Ýkraınanyń gaz tasymaldaý júıesiniń operatory» arasyndaǵy ózara is-qımyl týraly kelisimniń qoldanylý merzimi aıaqtalǵanyn naqtylady.
«Máskeý ýaqytyna sáıkes tańǵy saǵat 8:00-den bastap reseılik gazdy Ýkraına aýmaǵy arqyly tasymaldaý úshin jetkizý júzege asyrylmaıdy. Ýkraına tarapynyń osy kelisimdi uzartýdan birneshe ret jáne aıqyn bas tartýyna baılanysty «Gazprom» Ýkraına aýmaǵy arqyly tranzıt úshin gaz berýdiń tehnıkalyq jáne zańdy múmkindiginen aıyryldy», delingen habarlamada.
«Eadaily» aqparattyq agenttiginiń málimetterine súıensek, 2024 jyly Gazprom osy baǵyty boıynsha shamamen 15 mıllıard tekshe metr janarmaı jetkizdi, bul EO-daǵy jalpy tutynýdyń 4,5 paıyzyn qurady.
Endi Eýropa elderi úshin reseılik qubyr gazynyń jalǵyz kózi «Túrik aǵynynan» otyn alatyn «Balqan aǵyny» bolyp qala beredi. Ol jyl saıyn Rýmynııaǵa, Grekııaǵa, Soltústik Makedonııaǵa, Serbııaǵa, Bosnııa jáne Gersegovınaǵa, Vengrııaǵa shamamen 14-15 mıllıard tekshe metr jetkizedi.
